Jak paviedamili ŭ pres-centry Dziaržaŭnaha pamiežnaha kamiteta Biełarusi, 23 vieraśnia z roźnicaj u hadzinu homielskija pahraničniki sumiesna z supracoŭnikami mytni ŭ punkcie propusku «Novaja Huta» znajšli i kanfiskavali dva hazavyja pistalety i vosiem markiravanych patronaŭ. Pravieźci ich praź miažu z Ukrainaj sprabavali hramadzianie Rasii, jakija zajavili, što nie viedali pra zabaronu pravozu hetaha vidu tavaru.
24 vieraśnia pamiežniki sumiesna z supracoŭnikam słužby avijacyjnaj biaśpieki znajšli traŭmatyčny pistalet z patronami ŭ punkcie propusku ŭ aeraporcie Minsk-1. Zbroja znachodziłasia ŭ asabistych rečach iznoŭ ža hramadzianina Rasii, i na jaho byli adpaviednyja dakumienty. Adnak navat pry ich najaŭnaści ŭvozić u Biełaruś lubyja srodki śpiecabarony zabaroniena. Traŭmatyčny pistalet pieradadzieny supracoŭnikam transpartnaj milicyi.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
