«Kali pryhledziecca bolš uvažliva, to častku ź dzieviaci kandydataŭ, jakija ŭdzielničali ŭ prezidenckich vybarach, finansavaŭ i padtrymlivaŭ Kreml», — zajaviła Hrybaŭskajcie u intervju Litoŭskamu radyjo.
Častka pradstaŭnikoŭ biełaruskaj apazicyi amal nie kažuć pra niezaležnaść krainy, a prosta «imknucca atrymać bolš hrošaj»,zaznačaje kiraŭnica litoŭskaj dziaržavy.
«Kali hutaryš ci čuješ, jak razmaŭlajuć niekatoryja pradstaŭniki apazicyi,
my čaściej za ŭsio nie čujem, što ich pryjarytetam i metaj źjaŭlajecca niezaležnaja Biełaruś.Hetaha amal nie čujem. Čaściej za ŭsio čujem, što treba bolš hrošaj i što Rasija, u pryncypie, — siabar. Heta, niesumnienna, vyklikaje ŭ nas peŭnuju zaniepakojenaść, bo nacyjanalnym intaresam Litvy adpaviadaje niezaležny susied, niezaležnaja kraina», — cytuje Hrybaŭskajcie «Interfaks».
Hrybaŭskajcie adznačyłasia dźviuma sustrečami z Alaksandram Łukašenkam, u tym liku adnoj u časie vybarčaj kampanii. Apošniuju Łukašenka aktyŭna vykarystaŭ dla ŭłasnaj pramocyi. Jana krytykuje kandydataŭ ad apazicyi za prahmatyčnaje staŭleńnie da Rasii, adnak zamoŭčvaje, što heta Łukašenka ŭciahnuŭ Biełaruś u vajskovy, palityčny i mytny sajuz z Rasijaj, jaki dajšoŭ da formy «sajuznaj dziaržavy». Taksama mienavita za Łukašenki Biełaruś pieražyła biesprecedentnuju rusifikacyju.
