U centry afhanskaj stalicy Kabuła čutnyja vybuchi i stralba. Metami napadu bajavikoŭ stali pasolstva ZŠA i štab-kvatera sił mižnarodnaj kaalicyi ŭ Afhanistanie. Adkaznaść za napad ŭziaŭ na siabie ruch Taliban.
U rajonie pierastrełki pierakrytyja darohi. Jak zajaviŭ pradstaŭnik paŭstancaŭ, niekalki bajavikoŭ Talibanu, uzbrojenyja hranatamiotami, aŭtamatami i z pajasami śmiarotnikaŭ, zaniali pazicyi ŭ afhanskaj stalicy niedaloka ad rajonaŭ, dzie raźmiaščajucca zamiežnyja ambasady.
Pa słovach pradstaŭnika talibaŭ, asnoŭnaja meta napadu bajavikoŭ — budynak afhanskaj raźviedki.
Karespandent Bi-bi-si ŭ Kabule pieradaje, što adnoj z metaj napadaŭ było ambasada ZŠA ŭ Afhanistanie. Pradstaŭniki NATO paćviardžajuć, što bajeviki atakavali štab-kvateru mižnarodnaj kaalicyi ŭ Kabule.
Try tydni tamu śmiarotniki napali na kabulski ofis Brytanskaha savieta.
Achviarami hetaha napadu stali bolš za dziesiatak afhanskich palicejskich i zamiežnik, adznačyŭ pradstaŭnik słužby biaśpieki.