MZS Bałharyi kateharyčna abviarhaje infarmacyju polskaj haziety Rzeczpospolita ab tym, što ministr zamiežnych spraŭ Mikałaj Mładzienaŭ na niadaŭniaj sustrečy z Alaksandram Łukašenkam prapanoŭvaŭ 2 miljardy jeŭra za vyzvaleńnie palitźniavolenych.
«My kateharyčna abviarhajem hetu infarmacyju. Takoj prapanovy nie było», — zajaviła BiełaPAN
10 vieraśnia Rzeczpospolita sa spasyłkaj na krynicu ŭ MZS Polščy paviedamiła, što na sustrečy z Łukašenkam Mładzienaŭ pavinien byŭ prapanavać biełaruskamu lidaru adnaŭleńnie adnosinaŭ ź Jeŭrasajuzam i 2 młrd. jeŭra ŭ abmien na vyzvaleńnie ŭsich palitźniavolenych da kanca hetaha hoda. U artykule taksama pryvodzicca mierkavańnie, što inicyjatyva abnarodavać tajnyja damoŭlenaści Łukašenki i Mładzienava mahła zychodzić ad ministra zamiežnych spraŭ Polščy Radosłava Sikorskaha z metaj paskoryć praces vyzvaleńnia palitźniavolenych.
Jak paviedamlałasia raniej, u kancy žniŭnia kiraŭnik bałharskaha MZS naviedaŭ Minsk z tajnym vizitam i sustreŭsia z Łukašenkam. Infarmacyja pra heta źjaviłasia ŭ ŚMI 2 vieraśnia, jaje paćvierdzili ŭ
Pavodle vynikaŭ pieramoŭ z Łukašenkam Mładzienaŭ nakiravaŭ list viarchoŭnamu pradstaŭniku Jeŭrasajuza pa zamiežnych spravach i palitycy biaśpieki Ketryn Eštan i kiraŭnikam źniešniepalityčnych viedamstvaŭ krain ES. Jon, u pryvatnaści, paviedamiŭ, što padčas sustrečy Łukašenka paabiacaŭ vyzvalić usich palitźniavolenych u pačatku kastryčnika.
Nahadajem, 1 vieraśnia Łukašenka pamiłavaŭ jašče čatyroch asudžanych udzielnikaŭ padziej 19 śniežnia 2010 hoda ŭ Minsku. Pieršyja dzieviać fihurantaŭ kryminalnaj spravy ab masavych biesparadkach byli pamiłavany prezidentam 11 žniŭnia.
