vyrašyŭ ździejśnić Raman Arłoŭ sa svaim biełaruskamoŭnym hurtam «U nieskładovaje». Ale śpiarša robić hienieralnuju repietycyju ŭ minskim «Reaktary». Hutarka z Ramanam Arłovym.
«Naša Niva»: Pop-prajekt i pa-biełarusku?
Raman Arłoŭ: «U nieskładovaje» prajekt šmat u čym ideałahičny. Reč u tym, što situacyja ź biełaruskaj movaj pahoršyłasia, źnikła chvala biełaruskamoŭnaj rekłamy, na radyjo amal nie hučyć piesień. Aŭtarytetnyja asoby ŭ sučasnaj muzycy, takija jak Vitalik Artyst i Hanna Chitryk, stvaryŭšy stylnyja biełaruskamoŭnyja pradukty, pakrysie paviarnulisia ŭ inšy bok. Tamu peŭnaja aŭdytoryja zastajecca ŭ peŭnaj razhublenaści, stvaryŭsia peŭny vakuum. My ryzykanty, vyrašyli ŭziać hetuju spravu papularyzacyina siabie. Naša meta -maksimalnaje pašyreńnie biełaruskaj movy.
«NN»: Što saboj ujaŭlaje prajekt «U nieskładovaje»?
RA: «U nieskładovaje» — heta Allstars-bend: u nas kožnuju novuju pieśniu śpiavaju novy artyst: Hanna Chitryk, Uładzimir Puhač, Vitalik Artyst, Alaksiej Chlastoŭ, Rusia. Duety, žanočyja i mužčynskija vakały. Na maju dumku słuchač siońnia stamiŭsia ad kłasičnych hurtoŭ. Toje što prydumaŭ u svoj čas Mulavin: šmathałośsie i mnostva salistaŭ, dumaju spracuje i ciapier.
«NN»: Ź ideałohijaj jasna. A što ź finansami, ci źbirajecca «U nieskładovaje» jak usialaki respektabielny pop-prajekt zarablać?
RA: Tak, Heta jość adnoj z metaŭ prajektu. Zaraz my ŭ prajekt tolki ŭkładajem i tamu šukajem padtrymki ad usich zacikaŭlenych bakoŭ. Budzie ciažka, ale biezumoŭna, my chočam na hetym zarablać.
«NN»: Dobra, vy atrymali pieršuju viadomaść i pajechali ŭ turne... Kudy, pa haradach i vioskach Biełarusi?
RA: Nie tolki. Naprykład my ŭžo mieli vystupy ŭ Maskvie, dali dva kancerty. Tyja vystupy, moža, i nie byli šmatludnymi, ale hałoŭnaje, što heta była nie tolki biełaruskaja dyjaspara, a taksama śpieščanaja maskoŭskaja tusoŭka, ludzi absalutna niepadrychtavanyja da biełaruskaj movy. My mieli ŭchvalnyja vodhuki. Cymus u tym, što šmatkulturnamu horadu cikava ŭsio ŭnikalnaje. I tamu ŭ hetym vypadku naša mova spracoŭvaje. Tak što u našyja płany ŭvachodziać Vašynhton i Bierlin. Biełaruskaja muzyčnaja tusoŭka maje adnu niehatyŭnuju rysu — jana nie hatovaja adarvacca ad Minsku i pajechać u nikudy. Ludzi nie chočuć hublać zarobleny aŭtarytet. Ty možaš być pavažanym čałaviekam u Minsku 10-15 hadoŭ, a ŭ Kijevie ci Maskvie pačynać usio z pačatku. Ale znoŭ ža padkreślu, tam taksama možna pieramahčy. Miehapolisy majuć svaje pieravahi, tam panuje cikavaść da admietnaha.
«NN»: Jak vy, Raman, prabavili čas paśla sychodu ŭ J-Morc? Jakija ŭspaminy majecie z tych časoŭ? Ci zastaniecca va «U nieskładovym» niešta ad firmomvaha džej-morsaŭskaha saŭnda?
RA: Paŭtary hady ja pracavaŭ u Maskvie, rabiŭ rekłamnyja i teleprajekty. Trymaju słova i nie śpiavaju morsaŭskija pieśni. Uvohule kažučy, ja niehatyŭnych kamientaroŭ pra svoj sychod z hurtu nie davaŭ i davać, chutčej za ŭsio davać nie budu. U dadatak Uładzimir Puhač — udzielnik, za što ja jamu ščyra ŭdziačny. U muzyčnym płanie — tak, “U nieskładovaje” čymści budzie nahadvać J-Morc. Ad siabie ž źbiehčy ciažka. Adnak heta budzie nie čysty pop-rok: u «Ŭ» źjavilisia elemienty rehiej, chip-chopa, etna, sumiežnych stylaŭ.
- - - - - - -
28 kastryčnika. Kłub «Reaktar» (Charužaj, 29). Prezientacyja supolnaha prajektu «U nieskładovaje». Pry ŭdziele Ramana Arłova, Jaŭhiena Čałyšava, Hanny Chitryk, Alaksandra Pamidorava dy šmat kaho inšych. Kvitki: ad 20 da 50 tys.
