Alaksandr Milinkievič źviarnuŭsia da pałaty pradstaŭnikoŭ 17

Lider Ruchu «Za Svabodu» zaklikaje pryniać papraŭku ŭ Vybarčy kodeks, jakaja harantuje pradstaŭnikam kandydataŭ ŭdzieł u padliku hałasoŭ.

List Alaksandra Milinkieviča adrasavany staršyni pałaty pradstaŭnikoŭ Uładzimiru Andrejčanku.

Alaksandr Milinkievič nahadvaje ŭ svaim zvarocie, što ŭ krainie pa-raniejšamu isnuje postimpierskaja pahroza straty niezaležnaści. Kab abaranić suvierenitet i raźvivać ekanomiku, krainie nieabchodna sistemnaje refarmavańnie ŭ palityčnaj, ekanamičnaj i sacyjalnaj śfierach. Hałoŭnym partnioram u pieraŭtvareńniach, pavodle lidera Ruchu «Za Svabodu», moža i hatovy stać Jeŭrapiejski sajuz.

Alaksandr Milinkievič zaklikaje prajavić volu da vyraznych i maštabnych pieramienaŭ. Jon prapanuje pałacie pradstaŭnikoŭ na pazačarhovaj siesii 7 vieraśnia pryniać papraŭku ŭ Vybarčy kodeks, jakaja budzie harantavać kožnamu niezaležnamu kandydatu ŭ prezidenty najaŭnaść jaho pradstaŭnikoŭ u składzie vybarčych kamisijaŭ usich uzroŭniaŭ.

«Tak robicca va ŭsich cyvilizavanych krainach, navat u susiednich Ukrainie i Rasii. Heta moža stać pieršym krokam pa demakratyzacyi palityčnaha žyćcia. Sumlenny i sumiesny padlik hałasoŭ — pieradumova pryznańnia vybaraŭ za miažoj i davieru da ich vynikaŭ samich biełarusaŭ», — padkreślivaje Alaksandr Milinkievič.

0

0

0

0

0

0

milinkevich.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH