Palitrekrut demabilizavaŭsia ŭ zvańni jafrejtara.
Ranicaj 29 lipienia demabilizavaŭsia z vojska Źmicier Chviedaruk.
Moładzievy lider paŭtara hoda adsłužyŭ u Žodzinie ŭ čyhunačnych vojskach. Demabilizavaŭsia ŭ zvańni jafrejtara.
Źmicier Chviedaruk, Ivan Šyła i Franak Viačorka byli pryzvanyja ŭ biełaruskuju armiju pry kancy studzienia 2009 hoda. Tady hety pryzyŭ byŭ rascenieny paplečnikami jak palityčny.
Chviedaruk adziny z hetaj trojcy, chto adsłužyŭ całkam, a nie byŭ kamisavany ciaham słužby.
«Naša Niva»: Ź jakim pačućciom vychodziš z vojska?
Źmicier Chviedaruk: Sa spakojnym. Naturalna, radaść niejkaja prysutničaje.
Adnak vychodžu biez usialakaj tuhi pa vojsku i biez kryŭdaŭ na jaho.
«NN»: Hetyja vasiemnaccać miesiacaŭ ty chutčej adniasieš sabie ŭ plusy ci minusy?
ZCH: Štości ŭ plusy, štości ŭ minusy. Byli navat admoŭnyja momanty, jakija dazvolili stać bolš vychavanym, lepš razumieć čałavieka, čamu jon rabić tak i tak. Razam z tym, zastavałasia pačućcio marnaści sałdackaj pracy. Razumiejecie, kali ranicaj ty kociš bočku na skład №1, a paśla abiedu — na skład №2, ź jakoha pieršapačatkova jana była ŭziataja, to heta napružvaje.
«NN»: A što było stanoŭčaje?
ZCH: Było dastatkova času, kab čytać. Liču, što za hety čas u mianie adbyŭsia duchoŭny rost. Navučyŭsia canić svoj čas. Pryjšło razumieńnie, nakolki važna być z Boham.
«NN»: Što budzieš rabić ciapier?
ZCH: Chaču praciahnuć vučobu. Pryčym u Biełarusi. Paźniej treba budzie znajści niejkuju padpracoŭku. Jašče chočacca pahulać u futboł u jakoj‑niebudź amatarskaj kamandzie.
