Supracoŭniki staličnaj milicyi vyjavili nielehalnaha pradaŭca darahoha ałkaholu, jaki handlavaŭ im praź internet. Dla hetaha pravaachoŭniki zamovili ŭ jaho bujnuju partyju śpirtnoha, paviedamiła pres-aficer Frunzienskaha RUUS Mienska Ała Hałubovič.
«Znajści i zrabić bujny zakaz na impartnaje śpirtnoje ŭ internet-kramie akazałasia spravaj niachitraj. Litaralna ŭ hety ž dzień milicyjanty ŭžo hutaryli z pradaŭcom pa telefonie i damaŭlalisia ab miescy sustrečy», — skazała jana.
U vyniku 20-hadovy niepracujučy žychar stalicy byŭ zatrymany adrazu ž paśla ździajśnieńnia ździełki. Z sałona jaho aŭtamašyny kanfiskavanyja 24 butelki roma, dźvie tiekiły i butelka džyna. Ahulny abjom biezakcyznaha ałkaholu skłaŭ 27 litraŭ, jaho košt — 1,7 miljona rubloŭ. Zatrymany pryznaŭsia, što takim sposabam vyrašyŭ zarabić. Jon zdymaje kvateru i šukaje pracu.
«U ciapierašni čas my vyvučajem kanały pastaŭki kanfiskavanaha ałkaholu ŭ našu krainu, — zajaviŭnačalnik adździeła achovy pravaparadku i prafiłaktyki Frunzienskaha RUUS Anatol Suščenia.
Handlaru pahražaje administracyjny štraf — da 20 bazavych vieličyń (700 tysiač rubloŭ), plus kanfiskacyja pradukcyi.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
