Siońnia ŭ dzień narodzinaŭ Vasila Bykava pradstaŭniki intelihiencyi i hramadzkaści ŭskłali kvietki da mahiły piśmieńnika. Paŭtary miesiacy tamu napiaredadni Dnia pieramohi kampanija «Havary praŭdu» abviaściła pra zbor podpisaŭ za pierajmienavańnie vulicy Ŭljanaŭskaj u vulicu Bykava ŭ Miensku, i Paryskaj kamuny ŭ Horadni.
Siońnia lider, a kampanii «Havary praŭdu» Ŭładzimier Niaklajeŭ raspavioŭ, što sabrana bolš za 70 tysiač podpisaŭ u padtrymku hetaj inicyjatyvy, jakija buduć pieradadzienyja ŭ Mienharvykankam i Haradzienski harvykankam.
Na mitynhu vystupili ŭdava Bykava Iryna Michajłaŭna, paet Anatol Viarcinski, jaki pračytaŭ vierš pryśviečany Bykavu, prafesar Jury Chadyka, piśmieńnik Vasil Jakavienka, mastak Ryhor Sytnica i dyrektar biełaruskaj słužby Radyjo Svaboda Alaksandar Łukašuk.
Vystupaje Uładzimir Niaklajeŭ.
Vieteran nacyjanalnaha ruchu Jury Chadyka.
Anatol Viarcinski pračytaŭ vierš, pryśviečany Bykavu.
Udava Bykava Iryna Michajłaŭna i Alaksandar Łukašuk zamianili partret na mahile Vasila Bykava.