Fota Salidarnaści
Učora ŭ Osła skončyŭsia druhi paŭfinał śpieŭnaha konkursu «Jeŭrabačańnia». Spabornikami biełaruskaha hurtu «3+2» zrabilisia pradstaŭniki Ŭkrainy, Hruzii, Turcyi, Izraila, Irłandyi, Kipru, Rumynii, Armienii, Azierbajdžanu i Danii.
Chto pieramoža ŭ finale? Biełarusy? Niahledziačy na jaskravaje šou z vypuskańniem zakryłkaŭ, mocny hołas salista i absalutna farmatnuju ŭciamnuju pieśniu, staŭki na «3+2» u bukmiekieraŭ nievysokija. Chiba paśla druhoha paŭfinału, jaki ličyŭsia macniejšym, biełaruski hurt uźniaŭsia z 22 miesca na 18-aje.
Našy susiedzi? Moža być. Nahadajem, što za Rasiju vystupaje papularny aŭtar rok-prypievak Piotr Nalič, u jakoha za śpinaju dobry, z hustam zrobleny niestandartny numar i papularnaść u nasielnictva Armienii, Biełarusi, Ukrainy (Darečy, heta jon aŭtar pieśni z refrenam: «Hitar, hitar, hitar, kam tu maj buduar»). Majuć usie šancy i ŭkraincy, ale peŭna dziakujučy nie jakaści pieśni, a jaje tematycy: jany vyrašyli nahadać śvietu pra čarnobylskuju trahiedyju.
Bałkancy? Peŭna najvialikšyja šancy z Ałbanii: naporystaja pieśnia i jaskravaja źniešnaść śpiavački.
Turcyja? Pradstaŭniki Turcyi hurt «Manha» śpiavali rokavuju, navat ciažkarokavuju, kampazicyju, čym i vyłučajucca na tle inšych pop-vykanaŭcaŭ festu. Nie zabudziemsia taksama na mocnuju tureckuju dyjasparu ŭ Jeŭropie, jakaja z radaściu addaść svaje hołas ziemlakam. Bukmiekiery ad turkaŭ u zachapleńni dy kaeficyjent «Manha» na pieramohu — adzin z najvialikšych. Jeva, pradstaŭnica Armienija, byłaja madelka, vyjšła ŭ finał chutčej nie dziakujučy pieśni, a inšym dadatnaściam: pahladnaj źniešnaści i taksama niemałoj armianskaj dyjaspary ŭ Jeŭropie. Na što jaje spadzievy, peŭna, u finale, kudy jana patrapiła.
Danija, para ŭ styli «dyska», peŭna śpiavała najmacniej u druhim paŭfinale, ale jak my viedajem «Jeŭrabačańnie» — heta i trochi i hieapalityka, tamu jany pavinny raźličvać na padtrymku svaich skandynaŭskich susiedziaŭ.
Nie varta skidvać z rachunkach taksama tych, chto trapiŭ u finał aŭtamatyčna: pieramožcaŭ minułaha hodu: narviežcaŭ, francuzaŭ, hišpancaŭ i anhielcaŭ.
Finał śpieŭnaha konkursu «Jeŭrabačańnie» adbudziecca zaŭtra, 29 maja, i taksama jak paŭfinały, jon budzie tranślavacca pa BT. Pačatak a 22. Hałasujem za ŭsich astatnich, a zaŭziejem za našych.
