Z 1 maja staličnaja milicyja pačała aktyŭnaje asvajeńnie błohaśfiery biełaruskaha siehmientu internieta, paviedamili ŭ HUUS Minharvykankama.
Svaju virtualnuju prysutnaść haradskoje ŭpraŭleńnie ŭnutranych spraŭ pad nikam GUVD_MINSK abaznačyła na dźviuch najbolš papularnych placoŭkach: u «Tvitery» GUVD_Minsk i ŽŽ.
«Sajt minskaha HUUS paśpiachova pracuje faktyčna try hady. Kryteryjem jaho karysnaści źjaŭlajecca toj fakt, što kolkaść našych naviedvalnikaŭ pastajanna raście. Štodzionna na sajt zachodzić ad 1,5 da 2,5 tysiačy karystalnikaŭ. Ale, z druhoha boku, ciapierašni bahaty ź infarmacyjnaha punktu hledžańnia źmiest sajta HUUS moh by prynieści karyść značna bolšaj kolkaści karystalnikaŭ bajnieta. Z ulikam taho, što błohaśfiera i sacyjalnyja sietki nabirajuć abaroty niejmaviernymi tempami, my i vyrašyli pačać asvojvać hetyja biaskrajnija prastory», — skazaŭ vykanaŭca abaviazkaŭ načalnika adździeła ideałohii HUUS Minharvykankama Valeryj Matejka.
