Muzyčny navinki na Prastora.by.
CD. Volski Lavon. Biełaja jabłynia hromu / 12 trekaŭ / Ahulny čas hučańnia 37:43.
Pieśni Lavona Volskaha na vieršy biełaruskich kłasikaŭ ad XVIII da XXI stahodździa. Pravioŭšy prezientacyju prajekta ŭ Kupałaŭskim teatry, arhanizatary nie paśpieli vydać dysk svoječasova. I voś narešcie jon źjaviŭsia ŭ prodažy.
Try pieśni z CD možna praśpiavać karaokie. Heta «Pachnie čabor» na słovy Pietrusia Broŭki, «Hej, napierad» Janki Kupały i «Parušyŭšy zakony pryciahnieńnia» Arkadzia Kulašova.
***
CD. Jarmolenka Anatol i ansambl «Siabry». Svojak / 15 trekaŭ / Ahulny čas hučańnia 54:03.
Na dysk uvajšli daŭno viadomyja pieśni na słovy biełaruskich paetaŭ. «A ja lahu-prylahu» Niła Hileviča, «Hulać dyk hulać» Uładzimira Niaklajeva, «Polka biełaruskaja» Leanida Drańko-Majsiuka i inšyja.
***
CD. Alaksandra i Kanstancin. Klučy załatyja. Lepšaje 2001-2009 / 19 trekaŭ / Ahulny čas hučańnia 01:00:22.
Dysk kolišnich pradstaŭnikoŭ Biełarusi na konkursie «Jeŭrabačańnie» skłali samyja jarkija i paśpiachovyja kampazicyi z albomaŭ «Za lichimi za marozam», «Sojka», «Aŭtanomnaja navihacyja».
***
CD. MROJA. Dvaccać vośmaja zorka. Poŭny albom z bonusami / 8 trekaŭ + 2 bonus-treki + videa «Ja — rok-muzykant» / Ahulny čas aŭdyjo 46:00.
Pieravydańnie samaha bliskučaha alboma byłoha hurtu Lavona Volskaha. Ź jakoha paśla vyras N.R.M.
***
CD. Mauzer. Porna / 12 trekaŭ / Ahulny čas hučańnia 45:03.
Zapisaŭšy druhi albom, hurt pakinuli adrazu dva muzyki. A pierad akustyčnaj prezientacyjaj «Porna» u Minsku zahavaryli pra razvał kamandy. Ale lider kamandy Janka Maŭzier zapeŭniŭ, što hurt budzie isnavać. Mauzer rychtujecca da elektryčnaj prezientacyi alboma ŭ stalicy.
***
DVD. J:MORS. Konciert v tieatrie. Sieans s razobłačienijem / Videa z kancerta 8 śniežnia 2009 u Nacyjanalnym akademičnym teatry imia Janki Kupały / 16 trekaŭ + 4 bonusy + foty / Ahulny čas muzyčnaha videa 02:53:26 + dadatki.
«Heta kamierny kancert. Takim jon zadumvaŭsia, spadziajusia, takim i atrymaŭsia. Jon spakojny, navat z elemientami samaanalizu. Bolš mozha — bolš muskułaŭ! I bolš dušy, napeŭna...», — tak acaniŭ kancert Uładzimir Puhač.
***
CD. Sciana. Kropka viartańnia / 10 trekaŭ / Ahulny čas hučańnia 41:33.
Šlach praciahvajecca roŭna stolki, kolki dazvalaje jana — kropka viartańnia. Dalejšy ruch achutany sutońniem nieviadomaści i vypadkovaści. Adzin krok — i tvoj los užo nikoli nie budzie raniejšym. Jak toj rubikon — nazaŭždy źmianiaje ciabie, zabiraje apošniuju mahčymaść źviarnuć nazad...
