Pasoł Ukrainy raźvitaŭsia ź Biełaruśsiu prezientacyjaj ramana Babinaj dadalisia foty 1

Što moža być pryjamniejšym dla piśmieńnicy,
čym kali ŭ čarzie pa aŭtohrafy stajać dačka Alesia Adamoviča Natalla (źleva)
i syn Jakuba Kołasa Michaś Mickievič.

Pasoł Lichavy daryŭ padarunki, ale ŭ dumkach byŭ užo daloka ad Biełarusi.

Ukrainskija vydaŭcy źmianili i styl vokładki, i nazvu ramana.

26 sakavika u pasolstvie Ukrainy ŭ Biełarusi ŭ Minsku, u pryhožym budynku, što svaim šklanym paŭkołam hladzić na ambasady rasiejskuju i amierykanskuju, prajšła prezientacyja ramana Natałki Babinaj «Rybin horad». Dakładniej, ukrainskaha pierakładu hetaha ramana.

Jon maje nieŭzabavie vyjści ŭ kijeŭskim vydaviectvie «Zialony pios». Ukrainskija vydaŭcy adkryvajuć im novuju sieryju «Za paroham». Vydajuć jany knihu pad inšaj nazvaj: «Pachne ludynoju» («Pachnie čałaviekam»). Pryčym vokładka zroblena ŭ kalarovym pop-arcie. Adčuvajucca asablivaści nacyjanalnaha (paŭdniovaha) tempieramientu. Ale vokładka nie biazdumnaja. Vidno, što ilustratar učytvaŭsia ŭ tvor, šukaŭ vobraz. Kulturnaja tradycyja!

Na ŭkrainskuju knihu pierakłaŭ inšy nośbit pavažnaj tradycyi — kijeviec Vital Panamaroŭ. Hetaha niastomnaha trehiera ŭsiaho biełaruskaha na viečarynie zhadali dobrym słovam.

Na prezientacyi prysutničali ukrainskija dypłamaty, a taksama ćviet biełaruskaj intelihiencyi. Siarod inšych, akademik Radzim Harecki, pasoł Anatol Butevič, syn Jakuba Kołasa Michaś Mickievič, redaktar Barys Piatrovič, krytyk Michaś Tyčyna.

A taksama navukoŭcy, kiraŭniki muziejaŭ i biblijatek, artysty, studenty, jakija vyvučajuć ukrainskuju movu, ukrainskaja dyjaspara.

Natałka Babina, jakaja pachodzić ź Bieraściejščyny, raskazała pra toje, jak pisaŭsia raman «Rybin horad». Heta było zachaplalnaje apaviadańnie pra farmavańnie čałaviečaha «ja» i nacyjanalnaj tojesnaści ŭ časy savieckaj akupacyi, u horadzie Bieraści, jaki byŭ vajskovym farpostam impieryi, na kantraście tradycyjnaj miascovaj i ahresiŭnaj kałanijalnaj kultur.

Supravadžali hetuju svojeasablivuju spoviedź foty ź Bieraściejščyny ź jaje piasčanymi vydmami, mahutnym Buham i pasaviečanymi miestami. Darečy, zdymki zrabiła dačka ramanistki.

Šmat ciopłych słoŭ udziačnaści vysłuchaŭ u hety viečar pasoł Ukrainy ŭ Biełarusi Ihar Lichavy, jaki adjazdžaje na Radzimu.

Prysutnyja adznačali jaho vializny ŭkład u raźvićcio biełaruska-ukrainskich suviaziaŭ, dziakavali za padtrymku biełaruskaj kultury, zyčyli pośpiechaŭ i jamu, i Ukrainie.

Nastupnym pasłom Ukrainy stanie były vysoki čynoŭnik — eks-kiraŭnik Sakrataryjatu prezidenta Juščanki (Administracyi prezidenta) Raman Biaśśmiertny.

Prysutny

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH