U minułyja vychadnyja supracoŭnikami ŭpraŭleńnia pa narkakantroli i supraćdziejańni handlu ludźmi HUUS Minharvykankama byli zatrymany dvoje staličnych dydžejaŭ, jakija padazrajucca ŭ realizacyi psichatropnych rečyvaŭ. U ich doma kanfiskavana bolš za 350 tabletak ekstazi.
32‑hadovy i 28‑hadovy minčanie — dastatkova viadomyja i papularnyja dydžei ŭ dyskatečnym asiarodździ. Ich imiony ŭ intaresach śledstva pakul nie nazyvajucca.
Jak paviedamili ŭ HUUS Minharvykankama, pavodle apieratyŭnych źviestak, u kožnaha z zatrymanych byli svaje pastajannyja spažyŭcy, u tym liku i siarod klijentaŭ zabaŭlalnych ustanoŭ. Tabletki zbyvalisia pa canie ad 10 dalaraŭ za štuku.
U dačynieńni da adnaho z padazronych raspačata kryminalnaja sprava pa č. 3 art. 328 KK (niezakonny abarot narkatyčnych srodkaŭ, psichatropnych srodkaŭ i prekursoraŭ). Zaraz pravodziacca dalejšyja apieratyŭna‑vyšukovyja mierapryjemstvy pa ŭstanaŭleńni usiaho łancužka kanała pastaŭki.
Pavodle infarmacyi HUUS, z pačatku hoda ŭ Minsku raskryta bolš za 10 złačynstvaŭ, źviazanych z raspaŭsiudžańniem narkotykaŭ u roznych maładziožnych ustanovach
