U vyniku nitrazavańnia (unutrany praces, źviazany z utvareńniem azocistych złučeńniaŭ) niekatoryja nitraty ź ježy pieratvarajucca ŭ kancerahieny.
Kala 20% spažyvanych nitrataŭ robiacca nitrytami (solami azocistaj kisłaty HNO2), jakija, u svaju čarhu, pierachodziać u nitrazaminy — złučeńni, mnohija ź jakich zdolnyja vyklikać rak.
Nitraty, što źmiaščajucca ŭ harodninie, kampiensujucca vitaminam S, jaki nie daje im pierajści ŭ niebiaśpiečnuju dla čałavieka formu. Časnok, taksama jak i hety vitamin, źjaŭlajecca antyaksidantam, takim čynam, jon moža niejtralizavać niebiaśpiečnyja azocistyja złučeńni.
Navukoŭcy praanalizavali źviestki ekśpierymienta, praviedzienaha va Univiersitecie štata Piensilvanija (ZŠA). Na praciahu tydnia z racyjonu ŭdzielnikaŭ całkam vyklučalisia nitraty i časnok. Paśla ŭsie ŭdzielniki pryniali nitrat natryju ŭ biaśpiečnaj dozie, jakaja markiruje ŭ analizie mačy mahčymaje raźvićcio taksičnych pracesaŭ. Zatym hrupam udzielnikaŭ byli prapanavanyja kapsuły, jakija ŭtrymlivajuć jak śviežy časnok, tak i jaho vysušany ekstrakt, u dozach 1, 3 abo 5 h. Asobnaja hrupa ŭdzielnikaŭ atrymała 500 mh askarbinavaj kisłaty (vitaminu S).
Analizy pakazali zvarotnuju zaležnaść raźvićcia pracesaŭ nitrazavańnia ad užyvańnia časnaku — u tych, chto źjadaŭ pa 5 h časnaku, była najmienšaja ryzyka zachvareć na rak. Heta adbyvajecca dziakujučy ŭtrymańniu ŭ časnaku siery. Zvyčajny zubok moža važyć ad 1 da 5 h.
