Foto: Homielŝina. Oficialno
Biełaruś prapanuje zabaranić na ŭzroŭni JEAES cacki, jakija mohuć «nieadnaznačna ŭsprymacca dziećmi». Pra heta raskazaŭ ministr pa techničnym rehulavańni Jeŭrazijskaj ekanamičnaj kamisii Uładzisłaŭ Tatarycki.
Pavodle jaho słoŭ, Biełaruś prapanavała daśledavać upłyŭ niekatorych cacak na dziaciej.
«Heta cacki, jakija my siońnia bačym i z ekranaŭ. Čaściakom bačym u kramach. Nakštałt niejkich istot, jakija nieadnaznačna interpretujucca dziećmi, i mahčymaje ŭździejańnie psichałahičnaje na dzicia, kali ty bačyš, što cacka z adnoj rukoj abo z hałavoj, z adnym vokam i hetak dalej», — cytuje Tataryckaha Sputnik.
Čynoŭnik paabiacaŭ, što z takimi cackami budzie pravodzicca surjoznaja praca. Zabarona na cacki moža być uniesienaja ŭ Techničny rehłamient.
U Biełarusi vajnu z Chahi Vahi — hierojem papularnaha ŭ dziaciej multfilma — daŭno viaduć prarasijskija aktyvisty. U kancy 2022 hoda ź biełaruskich kram kanfiskavali Chahi Vahi i jašče 140 cacak.
Čytajcie taksama:
Dla ŭdziełu ŭ aficyjnaj jalincy homielskamu Chahi Vahi vyrvali zuby i pryšyli vušy
Hałoŭny monstr 2022 hoda: chto taki Chahi Vahi, ad jakoha ŭsie fanaciejuć?
