26-hadovaja dziaŭčyna z Łuninieckaha rajona pracavała pradaŭcom. Vyśvietliłasia, što jana prysabiečyła vyručku kramy na 9 tys. rubloŭ, častku patraciŭšy na staŭki ŭ anłajn-łatarei.
Dziaŭčyna, maci dvaich dziaciej, pieryjadyčna brała ŭ kasie kramy hrošy, jakija pieravodziła na svaju bankaŭskuju kartu, paśla čaho rabiła staŭki ŭ anłajn-łatarejach, paviedamlaje Hienprakuratura.
Jana traciła na azartnyja hulni i svoj zarobak, uziaŭšy kredyty ŭ troch roznych bankach. Muž pra heta ničoha nie viedaŭ, pavieryŭšy pa tłumačeńniach žonki, što taja addała hrošy znajomym u doŭh.
Svaimi dziejańniami žančyna pastaviła svaju siamju ŭ ciažkaje materyjalnaje stanovišča, bo značnaja častka zarobku traciłasia na anłajn-hulni i vyličeńni ŭ košt pakryćcia škody pa kryminalnaj spravie.
Z 11 lipienia 2023 hoda pa 31 studzienia 2024 hoda dziaŭčyna zrabiła bolš za 42 tysiačy hulniavych stavak.
U vyniku sud, pa inicyjatyvie miascovaj prakuratury, abmiežavaŭ dziaŭčynu ŭ naviedvańni ihralnych ustanoŭ i ŭdziele ŭ azartnych hulniach na termin 3 hady.
Čytajcie taksama:
Chłopiec ź Dziatłava zhubiŭ na biržy 30 tysiač rubloŭ, ale zusim nie zasmuciŭsia
Dyrektar liceja ŭ Polščy prajhraŭ hrošy navučencaŭ i zjechaŭ u Biełaruś. Ale vytrymaŭ tolki 10 dzion
Dziaŭčyna chacieła abyhrać kazino. Jana ŭlezła ŭ sumnieŭnuju spravu i straciła $1234
