Fota: AP Photo/Virginia Mayo
Rada Jeŭrasajuza pryniaŭ rašeńnie ab praciahu dziejańnia sankcyj u paniadziełak. U vydadzienym z hetaj nahody paviedamleńni padkreślivajecca, što ŭ apošnija hady ich uvodzili ŭ adkaz na represii, jakija adbyvajucca ŭ RB, i na padtrymku režymam Alaksandra Łukašenki ahresii RF suprać Ukrainy.
Ciapier ža zroblena vysnova, što ŭ Biełarusi adbyvajecca «rezkaje paharšeńnie situacyi z pravami čałavieka», a režym Łukašenki praciahvaje dapamahać Rasii ŭ jaje vajnie suprać Ukrainy. ES zaklikaje «ŭstrymacca ad takich dziejańniaŭ» i «vykonvać svaje mižnarodnyja abaviazki».
Praciahnieńniem sankcyj Brusiel dasyłaje «sihnał» «palityčnym i ekanamičnym subjektam, što ich dziejańni… majuć canu».
Indyvidualnyja abmiežavalnyja miery ŭklučajuć zamarožvańnie aktyvaŭ i zabaronu na pradastaŭleńnie srodkaŭ. Na fizičnych asob dadatkova raspaŭsiudžvajecca zabarona na pajezdki ŭ Jeŭrasajuz.
Čytajcie taksama:
Aŭstralija ŭviała novyja sankcyi suprać Rasii, u śpisach jość i biełarusy
Bajden aficyjna zajaviŭ pra 500 novych sankcyjnych abmiežavańniaŭ suprać Rasii