«Na padstavie [vynikaŭ] rasśledavańnia ŭłady mohuć zrabić vysnovu, što mieŭ miesca naŭmysny sabataž hazapravodaŭ. U toj ža čas, pavodle acenak, u Danii niama nieabchodnych padstaŭ dla zaviadzieńnia kryminalnaj spravy», — skazana ŭ paviedamleńni.
Raniej u lutym svajo rasśledavańnie spynili ŭ Šviecyi pa anałahičnaj pryčynie, patłumačyŭšy, što «šviedskaja jurysdykcyja nieprymianialnaja».
Rasśledavańnie pierš za ŭsio pavinna było vyznačyć, ci byli šviedy datyčnyja da taho, što adbyłosia, ale pra heta ničoha nie pakazvała, rastłumačyli tady ŭ prakuratury hetaj krainy.
Šviecyja pieradała atrymanyja źviestki Hiermanii, dzie praciahvajuć rasśledavać spravu. Rasija da rasśledavańnia zachodnich krain nie dapuščanaja.
Uciečki na troch nitkach hazapravodaŭ «Paŭnočny patok» byli vyjaŭlenyja 26 vieraśnia 2022 hoda. Viarchoŭny pradstaŭnik ES u zamiežnych spravach i palitycy biaśpieki Žazep Barel tady zajaviŭ, što paškodžańni hazapravodaŭ «Paŭnočny patok» nosiać naŭmysny charaktar. Paśla šviedskija siejsmołahi paviedamili pra mahutny vybuch, jaki papiaredničaŭ uciečkam.
Čytajcie taksama:
Polšča pieraškadžała rasśledavańniu spravy ab padryvie trubapravoda «Paŭnočny patok» — WSJ
Zialenski: Ja b nikoli nie daŭ zahad uzarvać «Paŭnočnyja patoki»
Amierykanski rasśledavalnik śćviardžaje, što «Paŭnočny patok» źniščyli ZŠA z dapamohaj Narviehii
