Zavod dakładnaj elektramiechaniki ŭ Minsku. Fota: Jandeks
U sankcyjny śpis trapili i dva biełaruskija pradpryjemstvy, raźmieščanyja ŭ Minsku: AAT «Płanar» i «Zavod dakładnaj elektramiechaniki».
Taksama, akramia rasijskich i biełaruskich pradpryjemstvaŭ, u śpisie kampanii z Kitaja, Turcyi i AAE, jakija, jak śćviardžajecca, spryjali abychodu sankcyj.
Urad Vialikabrytanii ŭdakładniaje, što ŭ śpis uvajšli vytvorcy bojeprypasaŭ i elektroniki, a taksama handlary dyjamientami i naftaj.
Adna z najbujniejšych rasijskich kampanij, uklučanych u abnoŭleny śpis — prajekt kampanii «Novatek» pa vytvorčaści zvadkavanaha hazu «Arktyk SPH-2». Taksama sankcyi ŭviedzienyja suprać Piermskaha parachavoha zavoda.
Sankcyi Vialikabrytanii prymierkavanyja da druhoj hadaviny rasijskaha ŭvarvańnia va Ukrainu. Čakajecca, što svaje pašyranyja sankcyjnyja śpisy najbližejšymi dniami apublikujuć taksama ZŠA i Jeŭrasajuz.
Čytajcie taksama:
Jak biełarusy dapamahali asnaščać rasijskuju vajskovuju mašynu zachodnim abstalavańniem
Bieły dom 23 lutaha nakładzie na Rasiju novyja sankcyi za śmierć Navalnaha
Biełaruś pavialičvaje ekspart soli ŭ Polšču, niahledziačy na sankcyi
