Vacio (Mikałaj Vasiljeŭ). Fota: Maskoŭski haradski sud
Siońnia Vacio (sapraŭdnaje imia — Mikałaj Vasiljeŭ) prachodzić miedkamisiju, jakaja vyznačyć jaho katehoryju prydatnaści. Pra heta advakat Vasiljeva Raman Papoŭ raspavioŭ rasijskim miedyja.
«Budzie słužyć tam, kudy Radzima pašle. Kudy pryzavuć — tudy i pojdzie, tam nie vybirajuć. <…> Za miažu nie ŭciače, nie spałochajecca. Hanarovy abaviazak kožnaha hramadzianina Rasijskaj Fiederacyi — słužbu projdzie!» — cytuje jaho NSN.
Shot adznačaje, što raniej Vasiljeva pryznali nieprydatnym z-za psaryjazu.
Ab poźvie ŭ vajenkamat Vasiljeŭ raspavioŭ 16 studzienia, kali vyjšaŭ sa śpiecpryjomnika paśla dvuch administracyjnych aryštaŭ zapar. Jaho pryznavali vinavatym pa artykule ab chulihanstvie — pieršy raz za toje, što toj pryjšoŭ amal hołym na «amal hołuju» viečarynki Naści Iŭlejevaj u «Mutabory»; druhi — za łajanku ŭ prysutnaści siłavikoŭ.
Akramia taho, repiera aštrafavali pa artykule ab «hiej-prapahandzie». U adkaz Vacio zajaviŭ, što «nijak nie padtrymlivaje ŁHBT i nie chacieŭ zrabić nijakaj prapahandy».
Skandał vakoł «hołaj viečarynki» ŭ Rasii tryvaje ŭžo niekalki dzion.
