Dziaržaŭnaja abvinavaŭca Maryja Białt i sudździa Siarhiej Bieraziuk. Kałaž: «Viasna»
Dzianisa Kraśko zatrymali 28 lipienia 2023 hoda i da suda źmiaścili pad vartu. Sudovy praces pačaŭsia 14 śniežnia, jaho vioŭ sudździa Siarhiej Bieraziuk. Dziaržabvinavaŭca — prakurorka Maryja Białt.
Jak pisała «Bieraściejskaja viasna», pieršapačatkova mužčynu pradjavili abvinavačańnie pavodle č. 1 art. 368 KK (publičnaja abraza Łukašenki), art. 369 KK (abraza pradstaŭnika ŭłady) i č. 1 art. 130 KK (raspalvańnie varožaści). Ale da suda abvinavačvańni pa pieršych dvuch artykułach źniali z-za terminaŭ daŭniny.
Usie try telehram-paviedamleńni, jakija pakinuŭ Kraśko, na dumku śledstva, byli napisanyja jak kamientary da publikacyj na telehram-kanale «Vusy Łukašenki».
Pieršaje paviedamleńnie datujecca 10-m śniežnia 2020 hoda. U paście była fraza: «Ciapier pamahatyja buduć nie tolki stukać na biełarusaŭ, ale i aktyŭna napadać na ludziej». Kamientar hučaŭ tak: «U sensie napadać. Dy [bić] hetych vyradkaŭ usim, što pad ruku trapicca. Inakš na šyju siaduć i całkam zahłumiać». U inšym paście śledčyja znajšli «pažadańnie padavicca čym-niebudź» padčas śviataŭ.
U vyniku Dzianisu pryznačyli pakarańnie ŭ vyhladzie pazbaŭleńnia voli na termin try hady z adbyvańniem pakarańnia ŭ papraŭčaj kałonii va ŭmovach ahulnaha režymu.
Čytajcie taksama:
U Hłybokim asudzili za nacyjanalnuju simvoliku zahadčyka adździeła miascovaj kramy
U Homieli za palityku paciarpieŭ jašče adzin praŭładny prafsajuźnik
