«Ser, nie panikujcie, siadźcie na ŭnitaz». Pasažyr samalota zachras u tualecie. Jaho vyzvalili tolki paśla pryziamleńnia 6

Incydent adbyŭsia na rejsie SpiceJet z Mumbai ŭ Banhałor. Pasažyr, jaki siadzieŭ na miescy 14D, uvajšoŭ u tualet nieŭzabavie paśla ŭźlotu i apynuŭsia ŭ pastcy ŭnutry, bo dźviery złamalisia. 

Adčajnyja sihnały ab dapamozie pryciahnuli ŭvahu ekipaža, jaki pasprabavaŭ adkryć dźviery zvonku. Adnak namahańni akazalisia marnymi. Uśviadomiŭšy, što padčas palotu niemahčyma adkryć dźviery tualeta, adna sa ściuardes napisała zapisku, zapeŭniŭšy pasažyra, što jany robiać usio mahčymaje, kab vyrašyć situacyju. 

Jana zahadała pasažyru začynić viečka ŭnitaza, sieści na jaho i bierahčy siabie, pakul nie adčyniacca dźviery samalota. Cydułku jana zasunuła pad dźviery prybiralni, kab krychu suciešyć pasažyra.

«Ser, my z usich sił staralisia adkryć dźviery. Adnak nie zmahli. Nie panikujcie. My pryziamlimsia praź niekalki chvilin, tamu začynicie viečka ŭnitaza i siadźcie na jaho. Zaścierahajciesia. Jak tolki adkryjucca hałoŭnyja dźviery, pryjdzie inžynier. Nie panikujcie», — havorycca ŭ paviedamleńni, što napisaŭ ekipaž SpiceJet.

Kali rejs pryziamliŭsia, inžyniery padnialisia na bort samalota, kab vyratavać pasažyra. Paśla dźviuchhadzinnych vyprabavańniaŭ mužčynu narešcie vyzvalili. Jamu nieadkładna była akazana pieršaja dapamoha, bo jon byŭ mocna traŭmavany praz kłaŭstrafobiju. Pasažyr atrymaje poŭnaje viartańnie srodkaŭ za rejs.

Čytajcie taksama:

«Ja ŭrešcie rastaŭ i zakachaŭsia». Dźvie historyi biełarusaŭ, jakija paznajomilisia ź dziaŭčatami ŭ siecivie, a tyja akazalisia machlarkami

Biełarus parvaŭ tyktok, vykinuŭšy ŭ śmietnicu ceły chamon

U Połacku kanduktarka vysadziła piacikłaśnika z aŭtobusa — dziciaci pryjšłosia iści 5 kiłamietraŭ u zaviruchu

6

0

11

4

2

1

Nashaniva.com