Fota: SBU
U chodzie šmatetapnaj śpiecapieracyi SBU zatrymała dyviersanta, jakoha rasijskaja vajskovaja raźviedka zakinuła va Ukrainu dla praviadzieńnia dyviersij. Śćviardžajecca, što jon prybyŭ ź Biełarusi ŭ Rovienskuju vobłaść dla karektavańnia rasijskich avijaŭdaraŭ pa enierhietyčnaj infrastruktury.
Ab takich płanach SBU stała viadoma padčas znachodžańnia varožaha dyviersanta na terytoryi Sierbii.
Z taho času ŭkrainskija śpiecsłužby paetapna dakumientavali jaho dziejańni ad pierasiačeńnia miažy da prybyćcia na miesca dyviersii va Ukrainie.
U vyniku złačyncu złavili na haračym: jon sprabavaŭ prymacavać niekalki GPS-trekieraŭ da słupoŭ ŁEP, jakija zabiaśpiečvajuć enierhiju Kijeŭskaj ahłamieracyi.
Pa sihnałach «majakoŭ» akupanty mieli nanieści kropkavy ŭdar pa enierhietyčnych abjektach, u tym liku z vykarystańniem «Šachiedaŭ».
Zatrymany — hramadzianin Biełarusi, ale, na dumku ŭkrainskich śpiecsłužbaŭ, jon pracavaŭ na Rasiju.
Z 2014 pa 2017 hod jon byŭ u «ŁDNR» i ŭdzielničaŭ u bajavych dziejańniach suprać sił ATA na ŭschodzie Ukrainy. U pačatku poŭnamaštabnaha ŭvarvańnia RF bajavik dałučyŭsia da PVK «Vahnier», u składzie jakoj šturmavaŭ Bachmut.
Paźniej jon viarnuŭsia ŭ Biełaruś, dzie atrymaŭ zadańnie ad svajho kuratara ŭ vajskovaj raźviedcy RF ab padrychtoŭcy dyviersij na pamiežnaj terytoryi Ukrainy.
Na padstavie sabranych dokazaŭ śledčyja SBU płanujuć paviedamić zatrymanamu ab padazreńni pa dvuch artykułach Kryminalnaha kodeksa Ukrainy:
- art. 113 (dyviersija);
- č. 1 art. 258-3 (udzieł u terarystyčnaj hrupoŭcy abo terarystyčnaj arhanizacyi).
