Fota: Onliner.by
Niekatorym viaźniam SIZA № 1 na Vaładarskaha vydali apaviaščeńni, što z 8 studzienia ich pieraviaduć u novy śledčy izalatar u Kaladzičach. Pra heta «Lusterku» paviedamili svajaki padślednych.
Jak raspaviali blizkija, krytery, pa jakich vyznačajuć tych, kaho buduć pieravodzić, nieviadomyja. Niekatoryja rady pieravodu, bo raźličvajuć, što ŭ novym korpusie budzie lepš. Inšyja aścierahajucca, što ŭ novym budynku jašče nie ŭsio hatova i chvalujucca za bytavyja ŭmovy.
Nahadajem, budaŭnictva balnicy i SIZA dla źniavolenych pačałosia ŭ Kaladzičach jašče ŭ 2010 hodzie. Pieršapačatkova adkryćcio płanavali ŭ 2015 hodzie, adnak u 2013 hodzie vyjavilisia fakty chabarnictva i raskradańnia budmateryjałaŭ, tamu terminy pieranieśli na 2020 hod. U 2018 hodzie terminy znoŭ pieranieśli — užo na 2022 hod.
U śniežni 2020 hoda Onliner.by paviedamlaŭ, što samy skončany vid na toj momant mieli balnica i internat dla budučych rabotnikaŭ, a ŭ budynka izalatara była samaja nizkaja hatoŭnaść. Dva karpusy, jakija pavinny byli jašče źjavicca, budavać navat nie pačynali. 16 červienia 2021 hoda vyjšaŭ novy ŭkaz, zhodna ź jakim balnicu pavinny byli zdać u 2021 hodzie, a SIZA — u 2023-m.
Paśla pierajezdu Vaładarki ŭ Kaladzičy Piščałaŭski zamak, u jakim raźmiaščajecca izalatar, addaduć horadu. Čakajecca, što paśla hetaha histaryčny abjekt adrestaŭrujuć.
Čytajcie taksama:
U ankachvoraha palitviaźnia prahresuje chvaroba, turemnaja chimijaterapija nie dapamahaje
Na «Vaładarcy» bolš nie prymajuć miedycynskija pieradačy bieź śpiecyjalnaj zajavy ad źniavolenaha
