Ministr abarony Rasii Siarhiej Šajhu padčas vizitu ŭ KNDR u lipieni 2023 hoda. Fota: Korean Central News Agency / Korea News Service via AP
Paŭnočnaja Kareja pastaviła ŭ Rasiju 1 miljon artyleryjskich snaradaŭ, paviedamlaje «Mieduza» sa spasyłkaj na Bloomberg. Tyja, u svaju čarhu, spasyłajucca na deputata parłamienta Paŭdniovaj Karei Ju Sanh Buma, jaki atrymaŭ hetyja źviestki ad Nacyjanalnaj raźviedvalnaj słužby krainy.
Pastaŭki ŭzbrajeńnia, jakoje rasijskaja armija vykarystoŭvaje suprać Ukrainy, pradaŭžajucca sa žniŭnia — usiaho za hety čas KNDR adpraviła ŭ Rasiju 10 partyj zbroi. Taksama ŭ Rasiju z KNDR vyjechali daradcy pa vykarystańni bojeprypasaŭ.
Ab pastaŭkach zbroi z Paŭnočnaj Karei ŭ Rasiju paviedamili ŭ Biełym domie jašče 13 kastryčnika — tady pradstaŭnik Rady nacyjanalnaj biaśpieki ZŠA Džon Kirbi pakazaŭ spadarožnikavyja zdymki, jakija dakazvajuć pieramiaščeńnie snaradaŭ.
Hetyja danyja paćviardžajucca inšymi apublikavanymi spadarožnikavymi zdymkami — u pryvatnaści, 16 kastryčnika ekśpierty brytanskaha Karaleŭskaha instytuta abaronnych daśledavańniaŭ na asnovie kadraŭ, zroblenych z kosmasu, vyznačyli maršrut pastavak zbroi.
U vieraśni pastaŭki vajskovaj techniki nazyvali hałoŭnaj temaj pieramovaŭ Kim Čen Yna padčas jahonaha vizitu ŭ Rasiju.
Čytajcie taksama:
Ekśpierty vyjavili imaviernyja šlachi pastavak zbroi z KNDR u Rasiju
Kim Čen Yn padniaŭ tost za pieramohu Rasii i vykazaŭ padtrymku ahresaru ŭ «śviaščennaj baraćbie»
