«Što tyčycca ssoŭvańnia terminaŭ realizacyi prajekta, to nieabchodna ŭličvać nastupnyja faktary:
asnoŭnyja etapy budaŭnictva Biełaruskaj AES pryjšlisia na niaprosty pieryjad pandemii i ŭzmacnieńnia surovaści zamiežnapalityčnaj abstanoŭki z uzrosłaj sankcyjnaj ryzykaj, sam prajekt realizoŭvaŭsia ŭ krainie, jakaja ŭpieršyniu stała na šlach vialikaj atamnaj enierhietyki», — zajavili ŭ «Rasatamie».
U kampanii adznačyli, što, niahledziačy na heta, nie staviłasia zadača paskoryć praces budaŭnictva na škodu patrabavańniam biaśpieki.
Z nahody pytańnia ab kampiensacyjach u «Rasatamie» zajavili, što nie kamientujuć kamiercyjny składnik prajekta «z ulikam najaŭnych daviernych adnosin» ź Minskam. Ale pry hetym zaŭvažyli: «Uličvajučy składanaść i žyćciovy cykł prajekta, dla nas narmalnaja praktyka iści nasustrač zakazčykam pa asobnych pazicyjach na ŭzajemavyhadnych umovach».
Pierad hetym siońnia Alaksandr Łukašenka, kamientujučy zatrymku z uvodam u ekspłuatacyju BiełAES, paviedamiŭ, što Biełaruś pastaviła pierad Rasijaj pytańnie ab kampiensacyjach.
Čytajcie taksama:
Da 2050 hoda soniečnaja enierhija maje stać asnoŭnaj krynicaj elektraenierhii. Čamu heta važna
Na «Hrodnaenierha» niedachop piersanału — kandydaty nie prachodziać pravierki na łajalnaść režymu
