Pačynajučy z 12:23 žychary Kałodziščaŭ pieryjadyčna čujuć mocny hrukat ad vybuchaŭ, paviedamlaje Motolkohelp.
Jość źviestki, što na hety momant vybuchaŭ było ŭžo nie mienš za try. Miascovyja žychary paviedamlajuć, što ad vybuchaŭ u damach dryžać šyby. Vybuchi čujuć i kala HC «Moma», jaki znachodzicca kala stancyi mietro «Mahiloŭskaja» za 12,5 km ad Kałodziščaŭ.
Adnak jość padstavy mierkavać, što vybuchi mohuć być źviazanyja z vučeńniami na palihonie za mohiłkami «Lasnyja», zaznačaje Motokohelp. Mienavita tam u kancy žniŭnia prachodzili zaniatki pa padryŭnoj spravie, i tady vybuchi taksama čuli žychary prylehłych rajonaŭ.
Pakul nijakich kamientaroŭ datyčna vybuchaŭ nie pastupała ni ad Ministerstva abarony, ni ad inšych viedamstvaŭ.
***
5 kastryčnika ŭ 23:30 na stancyi Aziaryšča pad Minskam, jak paviedamlała «Supolnaść čyhunačnikaŭ», byŭ paškodžany ŭčastak čyhunačnaha pałatna i ŭčastak pieravodu strełak, jakija złučajuć stancyjnyja puci z pahruzačna-razhruzačnymi ŭ miescy znachodžańnia hruzavych rampaŭ. Hetyja inžyniernyja zbudavańni na nazvanaj stancyi pieryjadyčna zadziejničanyja dla vykanańnia pahruzačna-razhruzačnych apieracyj z vajskovaj technikaj.
Aziaryšča źjaŭlajecca asnoŭnaj stancyjaj, na jakoj ažyćciaŭlajecca pahruzka vajskovaj techniki ŭ rajonie Minska.
Pobač sa stancyjaj raźmieščany 120-ja i 127-ja bryhady suviazi, a taksama 56-ty połk suviazi.
Ad stancyi Aziaryšča ŭ napramku Oršy raźmiaščajucca stancyi Kałodziščy i Haradzišča. Da stancyi Haradzišča prymykaje adhalinavańnie na čyhunačnuju liniju ŭ vajskovuju čaść №42776.