Piatras Aŭštravičus (źleva) u Jeŭraparłamiencie. Fota: Thierry Monasse/Getty Images
«[Heta značyć, što] abmiežavańni majuć upłyŭ na ekanamičnyja i finansavyja vyniki dziaržaŭnaha biudžetu Biełarusi. Heta dobra», — skazaŭ deputat.
Razam z tym, pavodle jaho, treba razumieć, što «Minsk sam saboj, moža być, i nie ŭjaŭlaje vajennaj pahrozy abo ryzyki, ale jon usio ž taki hraje ŭ bolš šyrokim płanie pad muzyku z Kramla, z Maskvy», a heta značyć, što ŭsie pahrozy «pavinny analizavacca, pavinny prymacca pastanovy».
«U Litvie my robim usio mahčymaje, umacoŭvajem svaju abaranazdolnaść, — padkreśliŭ jeŭraparłamientaryj. — Hałoŭnaje, što jość poŭnaje partniorstva z našymi partniorami i z NATA, i ź Jeŭrasajuza, i heta tolki pačatak.
Tamu zamachnucca naohuł na Zachad, a Litva — častka Zachadu — heta vielmi ryzykoŭna, navat dla Alaksandra Ryhoraviča ź jaho hienierałami i hetak dalej. Tamu što adkaz byŭ by, ja b skazaŭ, niepraparcyjna surovy dla tych, chto pasprabavaŭ by heta zrabić».
Na dumku Aŭštravičusa, «jastraby» ŭ Minsku i Maskvie pavinny viedać, što adkaz na pravakacyi i stvareńnia napružańnia z zachodniaha boku budzie. «I heta budzie nie adkaz Vilni ci Ryhi, heta budzie adkaz z Brusiela i Vašynhtona. Tamu treba dobra padumać, ci nie strašna navat dumać pierastupić miažu», — dadaŭ jon.
Pieršy namieśnik dziaržsakratara Rady biaśpieki Biełarusi Pavieł Muraviejka vystupiŭ z vajaŭničymi zajavami na ideałahičnym sieminary, arhanizavanym Minharvykankamam. Pa słovach Muraviejki, Biełaruś maje ŭsie padstavy «prasiekčy žyćciova važny kalidor» praź Litvu z dapamohaj zbroi, kab atrymać dostup da tranzitu tavaraŭ.
Čytajcie taksama:
Litva praviadzie vučeńni pa zakryćci miažy ź Biełaruśsiu
Łukašenka namiaknuŭ, što hatovy havaryć z palakami
Łukašenka pra nielehalnych mihrantaŭ: My nikoha tut łavić nie budziem
