Fota: «Naša Niva»
Mižnarodnyja sinaptyčnyja resursy prahnazujuć, što apadki ŭ źmiašanaj fazie pačnuć vypadać zaŭtra z samaje ranicy. Heta budzie adbyvacca na poŭnačy i paŭnočnym uschodzie krainy — u Viciebskaj i na poŭnačy Minskaj i Mahiloŭskaj abłaściej.
ECMWF prahnazuje navat utvareńnie nievialikaha 1-3 sm śniežnaha pokryva da 12:00 čaćviarha, paviedamlaje telehram-kanał nadvorie.
Pogoda.by paviedamlaje, što zaŭtra nadvorje ŭ Biełarusi buduć vyznačać atmaśfiernyja franty ad cykłonu z centram nad Polščaj. Časam čakajucca apadki (doždž, mokry śnieh), nočču i ranicaj u mnohich rajonach krainy projduć mocnyja apadki. Miescami pa krainie prahnazujucca tuman i hałalod, na darohach hałalodzica.
Viecier nočču miescami mocny paryvisty. Tempieratura pavietra na praciahu sutak składzie ad -2°S na poŭnačy da +9°S na paŭdniovym zachadzie respubliki, dniom miescami na poŭdni Biełarusi da +14°S.
