Nikoł Pašynian. Fota: Contributor / Getty Images
Armienija nie zaŭsiody pavodzić siabie pa-partniorsku jak siabra Sadružnaści Niezaležnych Dziaržaŭ, zajaviŭ Alaksandr Łukašenka na samicie SND u Biškieku, piša BiełTA.
Łukašenka nahadaŭ, što hałoŭnaj metaj stvareńnia SND było praduchileńnie razryvu suviaziaŭ pamiž krainami, jakija ŭtvarylisia paśla raspadu SSSR. Ale Zachad sprabavaŭ «asłabić» i «padparadkavać» postsavieckija dziaržavy svaim intaresam, adznačyŭ jon.
«Spačatku vyjšła z našaha abjadnańnia Hruzija, de-fakta z nami niama Ukrainy. Vialikija pytańni pa Małdovie. Nie zaŭsiody pa-partniorsku pavodzić siabie, na žal, Armienija», — skazaŭ jon.
Premjer-ministr Armienii Nikoł Pašynian z 2022 hoda rehularna krytykuje arhanizacyju Damovy ab kalektyŭnaj biaśpiecy, u jakuju akramia Armienii ŭvachodziać piać krain SND — Biełaruś, Rasija, Kazachstan, Kyrhyzstan i Tadžykistan.
Paśla Pašynian zajaviŭ, što Armienija moža vyjści z ADKB. Na samit u Biškiek premjer Armienii nie pajechaŭ.
Čytajcie taksama:
Łukašenka: Vałodańnie ruskaj movaj — naš najvialikšy zdabytak. Navošta my hublajem ruskuju movu?
