U čaćvier umovy nadvorja ŭ Biełarusi buduć vyznačać atmaśfiernyja franty ad cykłonu z centram nad poŭnačču Skandynavii i ciopłaja pavietranaja masa.
Ranicaj i dniom projduć karotkačasovyja daždžy. Viecier dniom u mnohich rajonach mocny paryvisty.
Nočču +7..+13°S, na paŭdniovym zachadzie Biełarusi da +15°S, maksimalnaja dniom składzie ad +12°S na poŭnačy da +21°S na poŭdni krainy. U Minsku čakajecca +15°S, mahčymy karotkačasovy doždž.
U piatnicu budzie krychu chaładniej. Pieravažna biez apadkaŭ, tolki nočču miescami na poŭdni čakajucca karotkačasovyja daždžy. Nočču +2..+9°S, maksimalnaja dniom +10..+17°S. U Minsku +12°S.
14 kastryčnika, u subotu, umovy nadvorja buduć farmavać atmaśfiernyja franty ad čarhovaha cykłonu z centram nad Šviecyjaj. Viecier paŭdniova-zachodni paryvisty, u asobnych rajonach mocny paryvisty.
Nočču +4..+10°S, na zachadzie krainy da +13°S; maksimalnaja dniom budzie ad +17°S na paŭnočnym uschodzie da +25°S na paŭdniovym zachadzie Biełarusi. U Minsku čakajecca +19°S.
A voś užo ŭ niadzielu pogoda.by prahnazuje, što ŭ Minsku budzie +10°S, gismeteo.by — +16°S.
Ale z pačatku nastupnaha tydnia adnaznačna budzie mienš za +10°S.
