U pačatku tydnia ŭ Biełarusi čakajecca pieramiennaja vobłačnaść, miescami mahčymy nievialikija karotkija daždžy. Viecier zachodni, paŭdniova-zachodni, umierany, pieradaje ANT.
Tempieratura nočču — ad +6°C da +12°C, dniom u paniadziełak pavietra prahrejecca ad +15°C da +19°C, u aŭtorak +19°C… +25°C.
U siaredzinie tydnia za situacyju ŭ atmaśfiery nad Biełaruśsiu pačnie adkazvać niepahodlivy atmaśfierny front z paŭnočnaha zachadu Jeŭropy. Unačy pa paŭnočnym zachadzie, dniom na bolšaj častcy terytoryi — daždžy roznaj intensiŭnaści.
Nočču ŭ sieradu +7°C… +12°C, dniom — ad +15°C da +19°C.
U pačatku druhoj pałovy tydnia nadvorje čakajecca niaŭstojlivym. U čaćvier zachavajecca vialikaja vierahodnaść karotkačasovych daždžoŭ, u piatnicu abłokaŭ stanie mienš i ŭ bolšaści rehijonaŭ daždžy małavierahodnyja. Pad ranicu — słabyja tumany, bačnaść da kiłamietru. Nočču +5°C… +10°C. Dniom u čaćvier +12°C… +17°C, u piatnicu da +15°C.
I, papiarednie, nastupnyja vychodnyja projduć bieź istotnych apadkaŭ. Mahčymyja tumany. Nočču +3°C… +7°C. Dniom u subotu +15°C… +19°C, u niadzielu +17°C… +21°C.
U cełym, kastryčnik abiacaje być krychu ciaplejšym za zvyčajny — na 1-1,5°C vyšej za klimatyčnuju normu, jakaja składaje ad +5°C na paŭnočnym uschodzie da +8°C na paŭdniovym zachadzie. Ale heta budzie ŭžo pa-sapraŭdnamu vosieński miesiac.
