Fota: Naša Niva
29 vieraśnia ŭ Lelčycach na poŭdni Homielskaj vobłaści pavietra prahrełasia da 26,5 hradusa ciapła. Raniejšy histaryčny maksimum byŭ zarehistravany tamsama ŭ 1988 hodzie (25,1).
Pierapisany rekordy na 44 z 48 mieteastancyj, za jakimi viadziecca nazirańnie (92%), u tym liku ŭ stalicy i čatyroch abłasnych centrach.
Čatyry z 44 pierapisanych rekordaŭ adnosiacca da 1965 hoda, šeść — da 1981-ha, 13 — da 1988-ha, adzin — da 1999-ha, 19 — da 2007-ha, adzin — da 2012-ha.
Napiaredadni, 28 vieraśnia, abnaviŭsia absalutny maksimum dnia, jaki trymaŭsia z 1942 hoda (26,6 hradusa ŭ Breście suprać 25,8 u Pinsku). A z pačatku vieraśnia zarehistravanyja 163 tempieraturnyja rekordy.
1 kastryčnika stanie chaładniej.
Umovy nadvorja budzie vyznačać frantalny raździeł, pachaładańnie pryniasuć viatry z Bałtyki. Unačy na bolšaj častcy terytoryi karotkačasovyja daždžy, miescami mahčymy navalnicy. Dniom pieravažna biez apadkaŭ. Nočču +7..+13°S, dniom +14…+20°S. U Minsku čakajecca +15..+17°S
U paniadziełak biez apadkaŭ. Nočču +4.. +9°S, miescami da +12°S, dniom +14..+20°S. U Minsku +16°S.
