Usie fota: Ludmiła Nikałajčuk / av.by
— Hetuju mašynu ja nabyła paŭtara hoda tamu. I na momant pakupki jana ŭžo była ružovaj, — pryznajecca ŭładalnica hłamurnaha aŭto Ksienija. — Tamu možna skazać, što ŭ trend siońnia ja patrapiła vypadkova.
— Jaki aŭtamabil vy šukali i čym kiravalisia pry vybary?
— Ščyra kažučy, nijakich kankretnych zapytaŭ nakont marki i madeli nie było. Prosta chacieła pamianiać aŭto, šukała, što spadabajecca. Zvažała na košt, kamplektacyju, prabieh i ahulny stan mašyny.
— Jak i dzie vy znajšli svoj idealny pa hetych kryteryjach varyjant?
— Prahladała abjavy na av.by i natyknułasia na restajlinhavuju BMW F30 328i 2016 hoda vypusku. Jana znachodziłasia ŭ Minsku. Paraiŭšysia z mužam, vyrašyła, što pajedu jaje hladzieć. Z saboj uziała aŭtapadborščyka, jaho pasłuhi abyšlisia ŭ 120 rubloŭ. Darečy, heta ŭ dva razy bolš, čym brali na toj momant astatnija chłopcy z hetaj śfiery. Ale jon i praŭda akazaŭsia sapraŭdnym prafiesijanałam. Mašynu pravieryŭ daskanała: i staranna ahladaŭ, i kampjutar padklučaŭ, i jeździŭ na joj. U vyniku vynies vierdykt: aŭto ŭ vydatnym stanie!
— Byli nievialikija defiekty na kuzavie i ŭ sałonie, ale heta drobiazi, jakija mianie nie chvalavali. Hałoŭnaje, kab z techničnaj častkaj usio było dobra. Padkupiŭ i prabieh — usiaho 70 tysiač kiłamietraŭ. My praviarali — nie skručany. Uvohule, mianie ŭsio zadavoliła i ja rašyłasia na pakupku. Dadomu ŭ Brest ja nakiravałasia ŭžo na hetaj krasuni. Darečy, jana — adzinaja mašyna, jakuju ja jeździła hladzieć. Voś tak mnie ź joj ź pieršaha razu pašancavała.
— A koler nie źbiantežyŭ pieršapačatkova?
— Nie, biezumoŭna! Nasamreč mašyna čornaja. A heta ŭsiaho tolki plonka, jaje ŭ luby momant možna źniać.
— Ale kali vy da hetaha času jaje nie źniali, značyć, jana vam padabajecca?
— Tak, mnie pa dušy hety koler. I zdymać plonku ja pakul nie źbirajusia. Adziny jaje minus u tym, što vielmi da jaje pył lipnie, davodzicca časta myć mašynu. A kali krychu zapuścić, to pazbavicca brudu naohuł stanovicca składana. I, darečy, zajazdžać u tunelnuju myjku nielha: možna sadrać plonku.
— Jak navakolnyja reahujuć na aŭtamabil «koleru Barbi»?
— U bolšaści svajoj stanoŭča. Minaki i aŭtamabilisty ŭ patoku časta zahladajucca, uśmichajucca, padnimajuć vialiki palec uvierch. U zachapleńni dzieci i padletki padychodziać, fatahrafujuć mašynu abo robiać zdymki pobač ź joj. Vadzicieli časta prapuskajuć: bo zdalok vidać, što za rulom dziaŭčyna. Ale jość i takija, u asnoŭnym mužčyny, jakija reahujuć nieadekvatna: sprabujuć abahnać, padrezać i h.d.
— Ci nie stamlajeciesia vy ad takoj pavyšanaj uvahi na darozie?
— Ja ŭžo pryvykła da jaje. Da taho ž heta zaŭsiody trymaje mianie ŭ tonusie. Naprykład, ja nie dazvalaju sabie parušać PDR, tamu što aŭtamabil vielmi prykmietny i mianie lohka pa im vyličyć. Ja navat pryparkavacca kryva nie mahu. Niejak pastaviła nie vielmi ŭdała mašynu na stajancy, i mnie adrazu znajomyja šluć fota — niechta paśpieŭ sfatahrafavać majo aŭto i apublikavać zdymak u internecie z nadpisam: «Ja parkujusia jak chaču».
— A vy sami aktyŭna viedziacie sacsietki?
— Ja nie błohier, ale viadu akaŭnt u TikTok. Časam publikuju videaroliki z aŭto, adnak jany ŭ mianie nikoli nie vystrelvajuć. Pry hetym hladžu: susiedskaja dziaŭčynka-padletak źniałasia pobač z majoj mašynaj — dva miljony prahladaŭ. U Breście videa z majoj ružovaj BMW zalatajuć va ŭsich, ale tolki nie ŭ mianie, — z uśmieškaj adznačaje Ksienija.
— Ekśpierty na padstavie danych strachavych kampanij vyśvietlili, što ružovyja aŭtamabili samyja niebiaśpiečnyja, mienavita ich uładalniki čaściej za ŭsio źviartajucca da strachoŭščykaŭ. Što vy dumajecie z hetaj nahody?
— Całkam mahčyma, što tak jano i jość. Ružovy — nietypovy koler dla aŭto. U patoku mnohija vadzicieli zahladajucca, pavaročvajuć hałovy. Było ŭ mianie niekalki vypadkaŭ, kali praz heta na darozie ŭźnikała avaryjnaja situacyja.
— Darečy, a jak supracoŭniki DAI reahujuć na vaša aŭto? Ci časta spyniajuć?
— Nie skažu, što časta, ale para cikavych vypadkaŭ była. Niejak u horadzie na darozie paraŭnialisia sa mnoj inśpiektary na aŭtamabili, apuścili škło i kažuć: «U vas strachoŭka zaŭtra zakančvajecca». Nu, ja im adkazała, što ŭžo novuju vypisała. Uvohule, niezaŭvažanaj zastacca składana. Jašče niadaŭna na trasie spynili, pravieryli dakumienty i pačali pra mašynu raspytvać: čamu ružovaja, jak daŭno jana ŭ mianie…
— Vy ŭžo paŭtara hoda jeździcie na hetym aŭto. Jakija jaho plusy i minusy za čas ekspłuatacyi znajšli?
— BMW F30 vielmi manieŭranaja i lohka razhaniajecca! Plus jana kampaktnaja, ale dastatkova jomistaja. U mianie BMW u M-abviesie, heta dadaje joj stylu i robić jaje bolš ahresiŭnaj. Ź pieravah možna nazvać jašče dobruju kamplektacyju i kamfort. Mnie jość z čym paraŭnać. Heta maja druhaja mašyna, raniej ja niekalki hadoŭ jeździła na dyzielnym Opel Corsa 2010 hoda vypusku ź miechaničnaj karobkaj pieradač. Baćka skazaŭ, što tolki na takim aŭtamabili možna navučycca kiravać.
— Pierasieŭšy na BMW, ja na kantraście adčuła, jak kamfortna jeździć na aŭtamacie. Jość tut i inšyja bonusy ŭ vyhladzie parktronikaŭ, kamier, multymiedyjnaj sistemy. Usio pad rukoj, i pry hetym ničoha lišniaha. Vydatak paliva taksama, ja b skazała, umierany. Poŭny bak (60 litraŭ) ja zapraŭlaju 98-m bienzinam prykładna raz na paŭtara-dva tydni. Ź minusaŭ mašyny, mabyć, tolki toje, što ŭ joj niama miesca dla zapaski. A jašče koły abutyja ŭ admysłovyja šyny RunFlat.
— Nakolki doraha abychodzicca absłuhoŭvańnie i ramont BMW?
— Adrazu paśla pakupki my pamianiali raschodniki: alivu, filtry, tarmaznyja kałodki. Ahułam vydatkavali kala $300. I heta pry tym, što aŭtatavary nam pryvozili z Polščy, inakš usio abyšłosia b značna daražej. Pašancavała, što niezadoŭha da prodažu byłyja ŭładalniki aŭtamabila poŭnaściu absłužyli padviesku. Bolš nijakich układańniaŭ mašyna nie patrabavała.
— Siońnia ružovy koler staŭ sapraŭdnym chitom! U suviazi z hetym ci nie pastupajuć vam prapanovy ab prodažy aŭto?
— Achvotnych kupić hetuju mašynu bolš čym dastatkova! U nas siamiejny aŭtamabilny biznes, usie viedajuć, što BMW my absłuhoŭvajem pa rehłamiencie na svajoj STA jakasna i ŭ termin, tamu jana ŭ idealnym stanie. Mnohija pytajucca, ci nie płanuju ja jaje pradavać, cikaviacca koštam. Ale aŭtamabil ja ŭziała sabie, rasstavacca ź im nie źbirajusia, bo ŭ hetym BMW ciapier mianie ŭsio zadavalniaje.
Čytajcie taksama:
Pakaz «Barbi» ŭ Biełarusi admianiajecca?
Film «Barbi» viarnuŭ frazu «taksičnaja fieminnaść» u naviny
Ciapier i Barbi moža «kuplać biełaruskaje». Mark Formelle pakazaŭ kalekcyju adzieńnia dla lalek
