Na čempijanacie śvietu pa mastackaj himnastycy ŭsio zołata ŭziała vychavanka biełaruski Julii Raskinaj 1

Darja Varfałamiejeva

Raniej uradženka rasijskaha Barnauła pieramahła va ŭsich čatyroch finałach z asobnymi pradmietami (abruč, miač, bułavy, stužka), a siońnia ŭziała zołata ŭ alimpijskim mnahaborji. Upieršyniu ŭ historyi hetaha vidu sportu ŭsie asabistyja załatyja miedali čempijanatu śvietu vyjhrała pradstaŭnica zbornaj Hiermanii.

Pakolki jašče adno zołata Varfałamiejeva zavajavała na čempijanacie śvietu 2022 hoda, to ciapier jana šaścirazovaja čempijonka.

Nas ža jaje pośpiech cikavić pieradusim tamu, što trenierka čempijonki — biełaruska Julija Raskina, jakaja pracuje ŭ Hiermanii.

Julija Raskina — byłaja viadomaja spartsmienka. Jana siarebranaja pryziorka Alimpijskich hulniaŭ 2000 hoda, čempijonka i pryziorka čempijanataŭ śvietu i čempijanataŭ Jeŭropy.

Ciapier jana treniruje himnastak na fiederalnaj bazie padrychtoŭki rehijona Baden-Viurtembierh i ŭ minułym hodzie była pryznanaja najlepšaj trenierkaj Hiermanii.

A hałoŭnaje — u 2020 hodzie Julija Raskina prajaviła i hramadzianskuju pazicyju, padpisaŭšy adkryty list biełaruskich spartsmienaŭ za sumlennyja vybary i suprać hvałtu.

Čytajcie taksama:

Samy papularny błohier usiaho jutuba zładziŭ ułasnyja «alimpijskija hulni» i trapiŭ u skandał praz kartu z Krymam u składzie Rasii i nie tolki

U Minsk pryjechała Alina Kabajeva, jaje sustrakaŭ ministr

7-hadovaja ŭkrainskaja himnastka, jakoj adarvała nahu rasijskaj rakietaj, vyjhrała pieršy turnir

64

4

5

7

14

17

Nashaniva.com