Andrej Pilščykaŭ (Džus). Fota ź instahrama
Viadomy piłot Andrej Pilščykaŭ (pazyŭny «Džus») i jašče dvoje lotčykaŭ zahinuli ŭ vyniku sutyknieńnia dvuch navučalnych samalotaŭ Ł-39 uviečary 25 žniŭnia na Žytomirščynie, paviedamlaje «Ukrainskaja praŭda».
Krynica: surazmoŭcy UP va Uzbrojenych siłach i pravaachoŭnych orhanach, znajomy Džusa Pavieł Pacałunkaŭ i vałancior Miełani Padalak u sacsietkach.
«Ukrainskaja praŭda» źviarnułasia pa kamientar da pres-słužby kamandavańnia pavietranych sił USU. Tam adznačyli, što aficyjny kamientar budzie paźniej, uličvajučy peŭnyja abstaviny i pačataje śledstva.
Siabra «Džusa» Pavieł Pacałunkaŭ napisaŭ u sacsietkach: «Ty maryŭ pra F-16 i dačakaŭsia navin ab ich pieradačy. Ty lubiŭ svaju ptušačku i litaralna žyŭ niebam. Naša znajomstva nie było doŭhim, adnak ja ŭdziačny tabie za važnyja žyćciovyja ŭroki i drajv, jaki abaviazkova zastaniecca ŭ pavietranych siłach i stanie ruchajučaj siłaj važnych źmianieńniaŭ užo dla novaha pakaleńnia piłotaŭ. Viečnaja pamiać, Džusie. Ciapier ty litaralna budzieš trymać naša nieba».
Džus (Andrej Pilščykaŭ) słužyŭ lotčykam źniščalnika MiH-29.
Z pačatkam šyrokamaštabnaha rasijskaha ŭvarvańnia abaraniaŭ nieba Ukrainy. Udzielničaŭ u pavietranaj abaronie Kijeva.
U intervju zamiežnym ŚMI zaklikaŭ zachodnich partnioraŭ dać Ukrainie sučasnyja źniščalniki.