Zdymak ilustracyjny. Fota: Akim Akimov / vecteezy.com
Jak paviedamlaje pres-słužba UUS Viciebskaj vobłaści, hłybokaj nočču na liniju «102» pastupiła adrazu niekalki zvankoŭ ad nieviadomaj žančyny, jakaja vidavočna była mocna pjanaja. Jana zajaviła, što adzin z kłubaŭ horada zaminiravany, a ŭ inšym joj u kaktejl padsypali narkotyki.
Milicyjanty nieŭzabavie adšukali žančynu i adnavili karcinu taho, što zdaryłasia. Akazałasia, 38-hadovaja haradžanka pryjechała ŭ načny kłub, dzie ŭvieś viečar vypivała ałkahol. Potym jana zachacieła pajechać dadomu, vyjšła na vulicu, ale vyrašyła viarnucca.
Kali achova, zvažajučy na niećviarozy stan žančyny, bolš usiaredzinu jaje nie puściła, taja pakryŭdziłasia i vyrašyła adpomścić. Ale ŭ vyniku za zaviedama łžyvaje paviedamleńnie ab niebiaśpiecy na jaje zaviali kryminalnuju spravu, maksimalnaje pakarańnie pa artykule jakoj — 7 hadoŭ pazbaŭleńnia voli.
Čytajcie taksama:
Pad Stoŭbcami prajšła zakrytaja rejv-viečarynka, jakaja skončyłasia trahiedyjaj
Pjany mahiloviec sabraŭsia jechać da siabroŭki ŭ susiedniuju krainu i ŭzłamaŭ dla hetaha siem mašyn
«A što nie tak?» Pad Łunincam ludzi zaharajuć kala miemaryjała zabitym ziemlakam
