Ministr abarony Ukrainy Alaksiej Reźnikaŭ. Fota: Thomas Lohnes / Getty Images
«Siońnia Ukraina źjaŭlajecca najbolš zaminiravanaj krainaj u śviecie. Sotni kiłamietraŭ minnych paloŭ, miljony vybuchovych pryład, na niekatorych učastkach frontu da piaci min na kvadratny mietr.
Rasijskija minnyja pali źjaŭlajucca surjoznaj pieraškodaj dla našych vojskaŭ, ale nie niepieraadolnaj. U nas jość kvalifikavanyja sapiory i sučasnaje abstalavańnie, ale hetaha vielmi niedastatkova dla frontu, jaki praciahnuŭsia na sotni kiłamietraŭ na ŭschodzie i poŭdni Ukrainy», — skazaŭ Reźnikaŭ u kamientary The Guardian.
Pa słovach ministra, vializnyja minnyja pali možna pieraadoleć, ale krytyčna važna, kab sajuźniki «pašyryli i paskoryli» padrychtoŭku sapioraŭ, jakuju ŭžo pravodziać niekatoryja krainy, u tym liku Vialikabrytanija.
Vydańnie adznačaje, što kolkaść sapioraŭ va ŭkrainskich uzbrojenych siłach była niedastatkovaj dla praryvu praz składanuju rasijskuju abaronu na vializnym 1000-kiłamietrovym froncie, dzie sapiornyja padraździaleńni byli mišeńniu dla ščylnaha ahniu.
Čytajcie taksama:
Rasija pačała prymianiać «Šachiedy» ŭłasnaj vytvorčaści — daśledčyki
Ukrainskija vojski zajšli ŭ Kazačyja Łahiery na levym bierazie Dniapra — rasijskija vajenkary