Stvaralnicy inicyjatyvy Ksienija Malukova i Natalla Žukoŭskaja. Fota: girls.power.belarus / Instagram
Raniej miedyjaprajekt Girsl Power Belarus składaŭsia z telehram-kanała i instahram-akaŭnta. Z dapamohaj svaich staronak aŭtarki prajekta nie tolki arhanizoŭvali akcyi, ale i raskazvali pra fieminizm i pravy žančyn, a taksama źbirali hrošy dla palitźniavolenych žančyn i biełarusak, jakija paciarpieli ad hvałtu.
Ciapier ža prajekt padzielicca na dźvie častki. Telehram-kanał atrymaŭ nazvu «Spačatku žančyny, potym žančyny», a staronka ŭ instahramie praciahnie pracu pad staroj nazvaj Girls Power Belarus.
Na telehram-staroncy jaje aŭtarki abiacajuć vieści fieminisckuju chroniku i davać prastoru dla razmovy pra baraćbu z patryjarchatam i hiendarnuju roŭnaść. Što da instahram-akaŭnta, to tam anansujuć publikacyi pra jarkich biełarusak, žanočuju siłu i salidarnaść.
Stvaralnicy prajekta taksama raskryli svaje asoby. Pieršaja ź ich — Ksienija Malukova, namieśnica pradstaŭnicy Abjadnanaha pierachodnaha kabinieta pa sacyjalnaj palitycy Volhi Harbunovaj. Ksienija — anarchistka, jana zajmajecca aktyvizmam 13 hadoŭ. Źjechała ź Biełarusi ŭ vieraśni 2020 hoda. Apošnija try hady kaardynuje stvorany joj Girls Power Belarus, a taksama ładzić śpiecprajekty pa zbory hrošaj dla palitviaźniaŭ.
Svaju asobu taksama raskryła Natalla Žukoŭskaja, hałoŭnaja redaktarka prajekta. Akramia Girls Power Belarus, jana aktyŭna pracuje ŭ sacyjalnych prajektach, u minułym dakumientavała katavańni i dapamahała ładzić dabračynnyja zbory.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Žančyny ŭ atačeńni Łukašenki: čamu i što jon im daviaraje. Vialikaja hutarka z Almiraj Usmanavaj
«Heta plavok u tvar žanočamu ruchu». Fieministki razvažajuć, što nie tak sa śviatam 8 Sakavika
