Fota: Landspace
Aparat Zhuque-2 kampanii Landspace byŭ zapuščany ŭ siaredzinie lipienia z Centra zapusku Jiuquan u pustelni Hobi. Kitajskaja rakieta vyšynioj 49,5 mietra adkryła, jak śćviardžajecca, novuju eru čyściejšaha i biaśpiečniejšaha rakietnaha paliva, jakoje da taho ž bolš prystasavana dla vykarystańnia sa šmatrazovymi rakietami.
Heta była ŭžo druhaja sproba vyvieści rakietu na arbitu paśla niaŭdačy ŭ śniežni 2022 hoda, kali byli źniščanyja 14 spadarožnikaŭ, što znachodzilisia na borcie. Na hety raz Zhuque-2 vyjšaŭ na arbitu biez karysnaj nahruzki. Kaśmičnyja siły ZŠA paćvierdzili, što aparat dasiahnuŭ arbity.
Gizmodo raspaviadaje, što Zhuque-2 (što ŭ pierakładzie aznačaje Punsovaja Ptuška-2), abstalavany hazahienieratarnymi ruchavikami, zdolnymi stvarać 243 mietryčnyja tony ciahi. Rakieta moža pieravozić karysnyja nahruzki vahoj da 6 mietryčnych ton na nizkuju kalaziamnuju arbitu abo 4 mietryčnyja tony na sinchronnuju z Soncam arbitu.
Kaśmičnaja pramysłovaść imkniecca vykarystoŭvać mietan u jakaści rakietnaha paliva nastupnaha pakaleńnia, pakolki jano ličycca čyściejšym i biaśpiečniejšym, čym, naprykład, vadki vadarod, a taksama inšyja vidy paliva, jakija vykarystoŭvajucca ciapier. Ale hałoŭnaje, što na siońnia heta taksama samaja tannaja alternatyva, što robić mietan bolš pažadanym dla šmatrazovych rakiet.
SpaceX taksama spadziajecca vykarystoŭvać vadkaje mietanavaje paliva dla svaich rakiet nastupnaha pakaleńnia Starship, jakija nie zmahli dasiahnuć arbity padčas pieršaha testavaha palotu ŭ krasaviku. Inšaja kampanija, Relativity Space, u sakaviku zapuściła rakietu Terran-1, jakaja pracuje na mietanie, ale z-za zboju ruchavika rakieta nie zmahła dasiahnuć arbity.
Kampanija Landspace abyšła inšyja kampanii ŭ hetaj honcy. Darečy, kitajski startap sprabavaŭ zapuścić trochstupieńčatuju rakietu Zhuque-1, jakaja vykarystoŭvała ćviordaje paliva, jašče ŭ 2018 hodzie. Zhuque-1 nie zmahła vyjści na arbitu, paśla čaho kampanija vyrašyła pierajści na vadki mietan u jakaści paliva.
Pośpiech Landspace staŭ važnaj viachoj dla pryvatnaha kaśmičnaha siektara Kitaja, jaki imkliva raźvivaŭsia apošnija 10 hadoŭ paśla taho, jak urad Kitaja dazvoliŭ inviestavać u pryvatnyja kaśmičnyja kampanii zamiest taho, kab spryjać dalejšamu daminavańniu dziaržaŭnych pradpryjemstvaŭ u hetaj śfiery.
Čytajcie taksama:
SpaceX z druhoj sproby zapuściła rakietu Starship, ale radavalisia niadoŭha
Kitaj choča zapuścić na arbitu tysiačy spadarožnikaŭ, kab kankuravać sa Starlink Iłana Maska
Budučynia vadarodnych aŭtamabilaŭ u Jeŭropie pad sumnieńniem. U toj ža čas u Azii prodaž raście
