Foty z pachavańnia źjavilisia ŭ sacyjalnych sietkach
Siarod tych, chto pryjšoŭ raźvitacca, byli i miascovyja žychary ź vioski Bobr, jakija viedali Alesia z malenstva, i tyja, chto pryjechaŭ admysłova z roznych kutkoŭ Biełarusi. Pravodzić baćku ŭ apošni šlach sabralisia i ŭsio čaćviora dziaciej Alesia Puškina: try dački i syn Mikałaj.
Siamja vyrašyła, što Aleś pakinie hety śviet u vyšyvancy, a ŭ trunu pakłali jaho znakamity karyčnievy kapialuš — hałaŭny ŭbor, u jakim mastaka možna časta ŭbačyć na fotazdymkach.
Spačatku raźvitańnie prajšło kala chaty, dzie samotnaj haspadyniaj zastałasia ŭdava Puškina Janina. Potym trunu na rukach adnieśli ŭ carkvu.
Adpiavańnie adbyłosia ŭ miascovym pravasłaŭnym chramie, adnoŭlenym paśla pažaru ŭ 2011 hodzie. Padčas taho pažaru zhareła draŭlanaja carkva, dzie ŭ 1996 hodzie Aleś Puškin zrabiŭ manumientalnyja rośpisy ścien. U vyjavach epizodu Sudnaha dnia pa pravuju ruku Chrysta byli namalavanyja praviedniki, pa levuju — hrešniki. U vyjavach hrešnikaŭ mnohija bačyli padabienstva z Alaksandram Łukašenkam i Mitrapalitam Fiłaretam…
Prysutnyja na pachavańni mastaka adznačajuć, što za chadoj žałobnaj imprezy nazirała milicyja. Što praŭda, da ludziej supracoŭniki nie padychodzili, nijakich zaŭvahaŭ nie rabili. Ale čas ad času niešta zdymali na videakamieru z mašyny.
Čytajcie taksama:
«Niabačnyja» śviedki spravy Alesia Puškina. Chto danios na mastaka
U roznych haradach Jeŭropy adbylisia akcyi pamiaci Alesia Puškina FOTY
«Šancaŭ na vyratavańnie nie było». Padrabiaznaści śmierci mastaka Alesia Puškina
