Siamiejny skandał stałaj siamiejnaj pary z Čašnickaha rajona pryvioŭ da zaviadzieńnia kryminalnaj spravy, paviedamiŭ śledčy‑kryminalist prakuratury Viciebskaj vobłaści Uładzimir Bajdanaŭ.
Nievialiki, ale burny skandał pieražyli dobraprystojnych i zakonapasłuchmianyja 67‑hadovy piensijanier i jaho 72‑hadovaja žonka. U vyniku svarki žančyna z kantuzijaj levaha voka i paškodžańniem vočnaha jabłyka apynułasia ŭ balnicy, dzie z‑za surjoznaści atrymanaj traŭmy, voka daviałosia vydalić. Za naniasieńnie ciažkich cialesnych paškodžańniaŭ u dačynieńni da jaje muža zaviedzienaja kryminalnaja sprava pa p.1 č.2 st.147 Kryminalnaha kodeksa Biełarusi, jakaja praduhledžvaje da dziesiaci hadoŭ pazbaŭleńnia voli.
Što pryviało pažyłych ludziej da svarki, razabracca składana, bo kožny z bakoŭ pryvodzić zanadta supiarečlivyja śćviardžeńni, adznačyŭ Uładzimir Bajdanaŭ.
Naprykład, niama adkazu na pytańnie, ci zamiešany ŭ spravie ałkahol — hałoŭny vinoŭnik takich bytavych trahiedyj.Pa śćviardžeńniach paciarpiełaj, muž ŭžyvaŭ śpirtnoje. Toj hety fakt admaŭlaje. Miedycynski ahlad mužčyny adrazu nie pravodziŭsia, tamu paćvierdzić dakładna tuju ci inšuju infarmacyju niemahčyma. Razychodziacca pakazańni pary i ŭ pryčynie skandału. Choć heta ŭžo i niavažna: voka ž ŭsio adno nie viernieš.
0
0
0
0
0
0
