U bližejšyja vychadnyja dni Biełaruś pa‑raniejšamu zastaniecca va ŭładzie vilhotnych pavietranych mas, jakija pastupajuć z paŭdniovaha zachadu Jeŭropy, paviedamiła hałoŭny sinoptyk Respublikanskaha hidramieteacentra Volha Fiadotava.
U subotu, 24 kastryčnika, miescami, u asnoŭnym pa paŭdniovaj pałovie respubliki, projduć daždžy, u asobnych rajonach mahčymy tuman. Čakajecca słaby da ŭmieranaha paŭnočna‑ŭschodni viecier ad 3 da 8 mietraŭ u siekundu. Tempieratura pavietra ŭ noč na subotu składzie 2‑8 hradusaŭ ciapła, dniom prahnazujecca plus 6‑12 hradusaŭ.
U niadzielu, 25 kastryčnika, atmaśfierny front, jaki źmiaščajecca z Polščy, vykliča daždžy ŭ mnohich rajonach respubliki. Dzie‑nidzie čakajecca tuman. U noč na niadzielu miarkujecca 2‑9 hradusaŭ ciapła, a pry prajaśnieńniach u Mahiloŭskaj i Viciebskaj abłaściach budzie da nula — minus 2 hradusaŭ.Niadzielnym dniom tempieratura pavietra budzie vahacca ad 4 da 11 hradusaŭ ciapła.
Nie źmienicca charaktar nadvorja i ŭ pačatku nastupnaha tydnia. Čas ad času buduć prachodzić daždžy. U asobnych rajonach čakajecca tuman, u načnyja hadziny ŭ asnoŭnym budzie ad 3 da 8 hradusaŭ ciapła. Dniom u paniadziełak prahnazujecca 6‑13 hradusaŭ ciapła, u aŭtorak — plus 4/11 hradusaŭ. U Homielskaj vobłaści pavietra prahrejecca da 13 hradusaŭ. Daždžliva budzie i ŭ sieradu, 28 kastryčnika. Dzionnaja tempieratura pavietra pry hetym nie pieravysić 3‑9 hradusaŭ ciapła.
Pavodle papiarednich raźlikaŭ, u apošnija dni kastryčnika ŭ Biełarusi pachaładaje. Miescami mahčymy śnieh. A tempieratura pavietra na praciahu sutak budzie vahacca ad 1 hradusa marozu da 6 hradusaŭ ciapła.U najbolš chałodnyja nočy pavietra moža achałodzicca da minus 3‑5 hradusaŭ.
