Na radzimie bratoŭ Kalinoŭskich 14‑ty hod zapar źbirajucca ludzi z usioj krainy.
Sioleta zbor pierad śvisłackim kaściołam ab 11-j hadzinie. Płanujecca naviedvańnie byłoha majontka Kalinoŭskich u Jakušoŭcy (7 km ad Śvisłačy), uskładańnie kvietak da biusta Kastusia Kalinoŭskaha ŭ Śvisłačy, bardaŭski kancert i pačastunak.
Dzień pamiaci paŭstancaŭ 1863 hoda tradycyjna adbyvajecca ŭ Śvisłačy (Haradzienskaja vobłaść) - na radzimie bratoŭ Kalinoŭskich. Ušanoŭvajuć nie tolki ich, a ŭsich tych, chto zmahaŭsia za niezaležnaść Biełarusi.
Śviatkavańnie tradycyjna adbyvajecca nastupnym čynam. Rankam u śvisłackim kaściole pa-biełarusku słužycca imša pamiaci bratoŭ Kalinoŭskich. Paśla hramada vypraŭlajecca na mahiłu Viktara Kalinoŭskaha. Potym — u Jakušoŭku, siamiejnaje hniazdo Kalinoŭskich, dzie, na ŭskrajku Biełaviežskaj puščy, zachavalisia padmurki ichnaje siadziby i staić hožy kavany kryž.
Udzielniki festu naviedvajuć taksama biust Kastusia Kalinoŭskaha la škoły ŭ Śvisłačy. Sustreča skančajecca piknikom u kalapuščanskim lesie.
Kastuś Kalinoŭski byŭ kiraŭnikom nacyjanalna‑vyzvalenčaha paŭstańnia ŭ Biełarusi suprać caryzmu ŭ 1863—1864 hadach. Paŭstancy dali na terytoryi Biełarusi 56 bajoŭ carskim vojskam. Vypuskaŭ hazietu pa-biełarusku «Mužyckaja praŭda». Zamardavany rasiejcami ŭ Vilni. Z turmy pierad śmierciu napisaŭ pałymianyja zvaroty «Listy z-pad šybienicy» i list-vierš da svajoj kachanaj dziaŭčyny.