3-5 śniežnia ŭ Minsku projdzie Ch čempijanat Biełarusi pa cyrulnickim majsterstvie «Styl i pryhažość».
Čempijanat pravodzicca raz na dva hady. Jaho hałoŭnaja meta — vyznačyć lepšych u prafiesii, kab zatym ź ich sfarmiravać nacyjanalnuju kamandu dla ŭdziełu ŭ mižnarodnych spabornictvach. 28 lutaha 2010 hoda ŭ Maskvie startuje čempijanat Jeŭropy pa cyrulnickim majsterstvie. A ŭ vieraśni ŭ Paryžy buduć spaborničać majstry z usiaho śvietu.
Pryniać udzieł u respublikanskim konkursie mohuć prafiesijanalnyja cyrulniki, pieramožcy rehijanalnych i mižnarodnych konkursaŭ. Apošnim i budzie addavacca pieravaha pry adbory. Užo padadziena 135 zajavak. Ale čakajecca, što ahulnaja kolkaść udzielnikaŭ składzie 300-350 čałaviek.
Dyrektar Biełaruskaj asacyjacyi cyrulnikaŭ i kaśmietołahaŭ Kanstancin Vajciachoŭski padkreślivaje, što z kožnym razam nazirajecca pavieličeńnie na 20-30 pracentaŭ žadajučych vystupić na čempijanacie krainy. Pryčyny tamu abjektyŭnyja. Udzieł u takim mierapryjemstvie i najaŭnaść dypłoma pryziora daje mahčymaść adrazu nadać lepšym majstram vyšejšyja razrady — 5 i 6. U toj čas jak u zvyčajnych umovach pierad atrymańniem čarhovaha razrada pavinien prajści peŭny čas stažyroŭki.
Košt udziełu ŭ čempijanacie ŭ adnoj naminacyi dla darosłych majstroŭ składaje 30 jeŭra, dla junijoraŭ — 15 jeŭra.
