Fota SK
Uviečary 2 lipienia ŭ lesaparku zony adpačynku znachodziłasia kampanija. Da poŭnačy tam zastalisia tolki 33-hadovy mužčyna z sužycielkaj. Pra toje, što ŭžo davoli pozna, jamu vietliva i nahadaŭ 59-hadovy vartaŭnik Juryj Chrałovič.
Adnak spačatku žychar Salihorska abraziŭ vartaŭnika i ŭdarami ŭ tvar pryčyniŭ jamu cialesnyja paškodžańni, što i paciahnuła za saboj stratu zroku, paviedamlaje SK.
Paśla hetaha ahresar syšoŭ ź miesca zdareńnia, a paciarpieły, pazbaŭleny mahčymaści bačyć, tolki aryjentujučysia na brech sabak zmoh dabracca da vartoŭni, dzie i pralažaŭ usiu noč.
Ranicaj 3 lipienia rodnyja znajšli skryvaŭlenaha mužčynu i vyklikali chutkuju dapamohu. Da hetaha času za jaho zdaroŭje zmahajucca daktary.
U toj ža dzień Salihorskim rajonnym adździełam SK u dačynieńni da 33-hadovaha mužčyny była zaviedzienaja kryminalnaja sprava. Pa vynikach praviedzienych śledčych dziejańniaŭ fihurantu vystaŭlenaje abvinavačvańnie pa č. 3 art. 147 (naŭmysnaje pryčynieńnie ciažkaha cialesnaha paškodžańnia, paŭtorna) Kryminalnaha kodeksa Respubliki Biełaruś. Jamu pahražaje pazbaŭleńnie voli na termin ad piaci da piatnaccaci hadoŭ.
Viadoma, što jon byŭ raniej sudzimy za ździajśnieńnie anałahičnaha złačynstva, adbyŭšy za heta 9 hadoŭ źniavoleńnia.
Čytajcie taksama:
U Salihorsku adpačyvalniki vycisnuli vartaŭniku vočy
A nia toje, što raniej było: akaličnaściaŭ spravy nieviadoma, a publika ŭžo ŭva ŭsim upeŭnienaja.
(Navat ciapier nielha być upeŭnienym na sto adsotkaŭ, ale ciapier možna rabić niejkija praŭdapadobnyja śćviardžeńni)
Chacia dyzajneram hetaha nie zrazumieć, dziela hetaha treba mieć mozah.