Druhija pieravybarčyja debaty pamiž kandydatami na pasadu premjer-ministra Vialikabrytanii eks-kiraŭnikom Minfina Ryšy Sunakam i kiraŭnicaj MZS Liz Tras niečakana spynilisia z-za taho,što viadučaja prahramy Kiejt MakKan straciła prytomnaść u žyvym efiry, paviedamlaje telekanał Talk TV, jaki pravodziŭ tranślacyju.
«Kiejt MakKan straciła prytomnaść u žyvym efiry siońnia ŭviečary, i niahledziačy na toje, što jana ŭ paradku, pa paradzie miedykaŭ my nie adnovim debaty. My prynosim prabačeńni našym hledačam i słuchačam», — havorycca ŭ paviedamleńni telekanała ŭ Twitter.
Incydent adbyŭsia padčas vystupleńnia Liz Tras, kali jana pačała havaryć pra palityku ŭ dačynieńni Pucina. Na videa vidać, što brytanskaja ministarka ad niečakanaści spačatku spałochałasia, ale paśla ŭziała siabie ŭ ruki.