AFP
Siarhiej Cichanoŭski i Maryja Kaleśnikava jašče pad śledstvam
Alaksandr Łukašenka: Voś vy kažacie, u nas sotni źmieščanyja ŭ turmy. Ale kali ŭžo kazać pra kahości z tak zvanaj apazicyi, pra jakuju vy skazali… Choć z apazicyjaj heta ničoha supolnaha nie maje — heta ludzi, jakija vystupili suprać dziaržavy. Suprać dziaržavy, a nie suprać ułady. Suprać dziaržavy i suprać ułasnaha naroda… Dyk u nas, ja navat voś nie pamiataju, kab navat z tych jarkich bandytaŭ, jakija miaciež zładzili, kab jany byli ŭ turmie. Śledstva idzie. Idzie śledstva, suda jašče nie było! Ja mahu pamylacca, moža być, adzin-dva čałavieki i byli asudžanyja. Ale ja prosta nie zhadaju i nie viedaju takich vypadkaŭ. Tamu ŭ turmach u nas jašče pakul nichto nie ŭtrymlivajecca. Z apazicyi, jak vy skazali.
Antuan Łambraskini (ździŭlena): Kaleśnikava, muž Cichanoŭskaj?
Łukašenka. Pa-mojmu ŭ ich śledstva jašče nie skončanaje…
Łambraskini. Pa-mojmu, jany ŭžo asudžanyja…
Łukašenka. Asudžanyja? Asudžanyja, tak? (Pytajecca ŭ čałavieka, jaki znachodzicca za kadram) Nu, ja, prabačcie, ja adrazu paprasiŭ prabačeńnia, što ja kažu, moža być, ja jašče nie ŭsio viedaju.
14 śniežnia 2021 hoda Homielski abłasny sud asudziŭ Siarhieja Cichanoŭskaha da 18 hadoŭ kałonii.
6 vieraśnia 2021 hoda sud asudziŭ Maryju Kaleśnikavu da 11 hadoŭ kałonii. Razam ź joj na 10 hadoŭ asudzili jurysta Maksima Znaka.
Navucy nieviadoma, što takoje dyktatura
Łukašenka: Što tyčycca roźnicy pamiž sistemaj ułady dyktatury i našaj sistemaj ułady. Vy viedajecie, choć ja i historyk pa svajoj pieršaj adukacyi, ja nie mahu vam acharaktaryzavać dyktaturu. Ja heta viedaju sa srodkaŭ masavaj infarmacyi, z navukovych padručnikaŭ, prac i inšaje. Kali ja staŭ prezidentam, ja zrazumieŭ, što ni žurnalisty, ni palityki, ni navukoŭcy tak i nie vyznačyli, što takoje dyktatura. Voś nie vyznačyli i ŭsio.
U kaho Biełaruś padhledzieła Kanstytucyju
Łukašenka: U nas elemienty aŭtarytaryzmu ŭ dziaržavie prysutničajuć. Heta značyć, prezident vałodaje vialikimi paŭnamoctvami, navat, moža być, bolšymi, čym u Francyi. Choć kanstytucyju kali my prymali na refierendumie ŭ 1990-ch hadach, my vielmi mnohaje zapazyčyli ŭ vas, u francuzskaj Kanstytucyi asobnyja… i ciapier hetyja artykuły zachavalisia. Ja raju vam źviarnucca da našaj Kanstytucyi, i vy ŭbačycie šmat adpaviednych supadzieńniaŭ. U Rasijskaj Fiederacyi my padhledzieli sioje-toje, u Kazachstana, nu i hetak dalej. My nie stvaryli niešta efiemiernaje i vyklučnaje. My brali vopyt inšych krain.
Što daśviedčany žurnalist pavinien adčuć užo ŭ aeraporcie
Łukašenka: Što mnie, apraŭdvacca pierad vami? Ja čałaviek, jaki pryjšoŭ z naroda. Ja časta kažu, što ja vypadkova staŭ prezidentam. Ja nie viedaju, čamu mianie tady abrali. Nie viedaju. Da hetaha času nie znachodžu poŭnaha na heta adkazu. Ale kali vy vierycie ŭ boha…
Łambraskini: Ja nie vieru.
Łukašenka: A?
Łambraskini: Ja nie vieru.
Łukašenka: Vy nie vierycie? (Śmiajecca) dziakuj, pieršy raz takuju ščyraść čuju. Nu voś kali b vy vieryli, to možna było spasłacca, što jon dapamoh. Chto jaho viedaje. Ja ŭžo taksama ŭ svoj čas, budučy ateistam… Ja byŭ lektaram, u tym liku mižnarodnikam i ateistam… Ja ŭžo pačynaju vieryć. I chaču, kab boh byŭ. Razumiejecie, ja bolš chaču, kab jon byŭ. Kab jon razvažyŭ składanyja momanty, kali my nie razumiejem. Vy mianie, ja vas. I asabliva kali my, kiraŭniki, kiraŭniki dziaržaŭ, tvorym, toje, što my nie pavinny byli tvaryć.
Tamu, słuchajcie, nu jakaja dyktatura. Voś vy ŭ Minsku druhi raz. Pryjechali, nie viedaju, učora ci siońnia. Vy jak daśviedčany žurnalist, niahledziačy na svaju maładość, vy, razumiejecie, pavinny byli pavietra ŭdychnuć, paniuchać i adčuć hetuju dyktaturu. Voś ja ŭpeŭnieny, što kali vy prylacieli ŭ aeraport — vy nie ŭbačyli hetaj dyktatury.
Čym Zialenski lepšy za Pucina
Uryvak hetaha adkazu Łukašenki byŭ apublikavany ŭ telehram-kanale «Puł pieršaha», adnak u televiersiju jon uvajšoŭ u mocna skaročanym vyhladzie.
Łukašenka: Nu voś vy palihłot, vy tam francuzskaj, niamieckaj movaj, nakolki ja viedaju, vałodajecie. I ruskaj. Ale vam ža nichto nie zabaraniaŭ razmaŭlać na ruskaj movie i vyvučyć ruskuju movu. A ŭkraincam chacieli zabaranić. Nu navošta? Nu chaj by jany ŭziali našu palityku. Nie treba było, jak u nas, rabić ruskuju dziaržaŭnaj movaj… Kali b jany heta zrabili, vajny b nie było nikoli. Nu, choć by jany nie dušyli ludziej za toje, što jany razmaŭlajuć na ruskaj movie. Jany ž hetaha nie zrabili. Heta značyć, tam byli ŭnutranyja ŭžo pryčyny dla taho, kab Rasija pastaviła, hruba kažučy, Ukrainu na miesca. Navošta vy abražali ŭładu ŭ Rasii? Navošta vy prezidenta Pucina pastajanna abražali? Ukraincy, navošta? Nu čym Zialenski lepšy za Pucina, skažycie mnie? Nu, ja ž … u nas u krainie navat, jak vy kažacie, apazicyja — navat šalonyja, jakija vajavali ŭ 2020-m hodzie suprać naroda — jany nikoli nie kazali, što Pucin taki, Pucin hetki. Nu navošta? Heta ž čałaviek. Kali Bajden upaŭ na trap — na trapie samalota padymaŭsia, pa trapie — upaŭ… Viedajecie, u nas u Biełarusi nichto nad hetym nie śmiajaŭsia. Nu, usiakaje byvaje. Ja razumieju, što, nu, bieh, čałaviek upaŭ. Nie treba było biehčy. Nu, spatyknuŭsia i spatyknuŭsia. A što vy rabili i robicie suprać Pucina? Navošta vy jaho demanizujecie? Navošta vy jaho abražajecie? Makrona ž jany tak nie krytykavali, choć było za što. My ŭsie ludzi roznyja, jość za što krytykavać. A vy, pačynajučy ad movy i zakančvajučy prezidentam Rasii… Ukraincy, vy jaho nie prosta demanizavali, vy ździekavalisia ź jaho, vy roznyja fejki ŭkidvali, zdahadki i inšaje. To bok, heta taksama niadobry fon. Moža, heta nie pryčyna dla apieracyi, ale fon niadobry.
Niahledziačy na zapeŭnivańni Łukašenki ab tym, što ŭ Biełarusi nichto nie śmiajaŭsia z Džo Bajdena, u praŭładnych telehram-kanałach epizod z padzieńniem amierykanskaha prezidenta na trapie abyhryvajecca pastajanna. Naprykład, pa zapycie «Bajden trap» u telehram-kanale ANT možna znajści šeść publikacyj, siarod jakich jość videa Łukašenki na lodzie z podpisam: «Adzin pa trapie padniacca nie moža, tym časam inšy ŭ chakiej hulaje».
Maskva — stalica majoj krainy, a Leninhradskaja vobłaść kopija Biełarusi
Łukašenka: Nu, słuchajcie, ja byvaju ŭ Rasii. Heta zusim niedaloka. U ich troški… heta blizkaja mnie, rodnaja kraina, rodnaja. Ja čałaviek z toj … z taho śvietu. Ja žyŭ u tym śviecie, kali Maskva była stalicaj majoj krainy. Tamu ja z zadavalnieńniem tudy pryjazdžaju. U Rasii stolki cikavaha. Takaja pryhažość, jakuju ja nie bačyŭ, ja chaču na heta pahladzieć. Voś jon mnie prapanujuć: jedź na Ałtaj, jedź na Bajkał, na Kamčatku. Pabudź tam, pahladzi. Dla mianie Rasija adkrytaja. Mnie heta vielmi cikava. Jon Biełaruś viedaje kožny mietr. Jon [Uładzimir Pucin] naradziŭsia ŭ Piciery, heta kopija Biełarusi. Voś Leninhradskaja vobłaść — heta kopija Biełarusi. Jon viedaje ŭ Biełarusi ŭsio. Tamu tut niama čahości, što ja tudy pryjazdžaju, a jon siudy nie jedzie čamuści. Ale ŭ ich jašče asablivaść ža z hetaj pandemii była dva hady i da hetaha času… Vy viedajecie našu adkrytaść u hetaj situacyi. A Rasija była bolš zakrytaj tut. Tamu było pryniataje rašeńnie Rady biaśpieki, kab prezident niejak akuratniej siabie pavodziŭ. Voś, dapuścim, u Kitai Palitbiuro pryniało rašeńnie: Si Czińpinu voś tak pavodzić siabie — ni tudy, ni siudy nie jechać i hetak dalej. I dva hady Si Czińpin vykonvaŭ hetaje rašeńnie. Dakładna tak i ŭ Rasii pieraścierahli prezidenta: «Voś ty pavinien siabie pavodzić takim čynam». I Pucin čałaviek vykanalny, jon heta robić. Nu, ciapier heta ŭžo, vy bačycie, praktyčna sychodzić. Tamu heta asablivaść taksama była takaja. U mianie trochi inakš.
