Pavodle CVK, u skład učastkovych kamisij prajšli 58 354 pradstaŭniki, vyłučałasia — 59 176. U asnoŭnym heta pradstaŭniki hramadskich abjadnańniaŭ i partyj (55,5%), samavyłučency (33,4%) i pradstaŭniki pracoŭnych kalektyvaŭ (11,1%).
Svaich pradstaŭnikoŭ vyłučali 11 partyj, na finišy zastałosia 6, pryčym va ŭčastkovyja kamisii pa refierendumie nie prajšoŭ ni adzin pradstaŭnik apazicyjnych partyj.
Varta adznačyć, što Kamunistyčnaja partyja Biełarusi vyłučyła ŭ skład učastkovych kamisij 900 pradstaŭnikoŭ, patrapili ŭ ich 895, tolki 5 čałaviek ad KPB nie ŭklučanyja.
Zastajecca zahadkaj, chto piersanalna budzie ličyć hałasy na refierendumie, imiony členaŭ učastkovych kamisij nie ahałošvajucca. Pieršaje ž pasiadžeńnie kamisij pavinna adbycca nie paźniej za 9 lutaha.
Raniej ułady zajaŭlali, što čalcy kamisij sutyknulisia z traŭlaj paśla vybaraŭ-2020. Pakolki bolšaść vybarčych učastkaŭ znachodzicca ŭ škołach, i ličać hałasy školnyja nastaŭniki, asabliva napružanymi byli adnosini ź imi — vypuskniki škoł prynosili svaje hramaty i miedali, viešali na płaty škoł, vykazvajučy tym samym niazhodu ź dziejańniami piedahohaŭ.
Niekatorych čalcoŭ kamisij 9 žniŭnia 2020-ha vyvozili z učastkaŭ pad achovaj. Kamisii ž učastkaŭ, dzie aficyjna pieramahła Cichanoŭskaja, vybarcy vitali avacyjami.
Tady na bolšaści ŭčastkaŭ nie byli prademanstravanyja kopii vynikovych pratakołaŭ — ni naziralnikam, jakich nie dapuskali pahladzieć na padlik hałasoŭ, ni vybarcam, jakija pryjšli da ŭčastkaŭ, kab daviedacca vyniki hałasavańnia. Bolš za toje, naŭprost kala škoł byli masavyja zatrymańni vybarcaŭ.
Ministr unutranych spravaŭ zajaviŭ, što čalcy vybarčych kamisij nie pavinny bajacca pracavać, što im budzie zabiaśpiečanaja naležnaja achova.
Praviadzieńnie refierenduma budzie kaštavać nam 20 miljonaŭ rubloŭ.
Jak źviazanaje raźniavoleńnie aficyjnaj kavidnaj statystyki z refierendumam pa Kanstytucyi?
Karbalevič: Samaje paradaksalnaje, što hetaja Kanstytucyja nie patrebnaja nikomu: ni namienkłatury, ni hramadstvu, ni apazicyi
